°~*¤®§(§ شبـــكة ويــلان العـربـيـه §)§®¤*~ˆ°

- منتدي الشعراء (http://www.weelan.com/vb/forumdisplay.php?f=8)

- - اول عـــيـد مــن دونــك ..!! (http://www.weelan.com/vb/showthread.php?t=23384)

اول عـــيـد مــن دونــك ..!!

فمان (الجرح و الحب) القديم وعاشق ( لتغريد)
فمان (الحقد) بعيون القرايب (يقدح) زناده

(حلاو العيد) وش عنده تغير عن (حلاو العيد)
تحول( مر ) من ضيم الليالي ومره زياده

قهر مدري.. مرض يمكن ..ولكن شي بالتحديد
غريب اني عجزت اقدر اوصف كامل ابعاده

حبيبي من (ثلاث شهور) انادي والندا ما يفيد
تراك انت الوحيد اللي تصير الجرح وضماده

تبي تبعد عن (احلام الطفوله) والجروح تزيد
تبي تقضي على حلم ٍ ( كبرنا ) كثير بأعداده

تبي ترحل عن اشواقي .!!ولكن من يفك القيد
عن المحروم من صوتك وزود الصبر ما فاده

على (كثر الالم) (جيتك) ابارك لك وانت بعيد
اناديلك (يرد الصوت)..انادي ..والجفا عاده

(اول عيد) من دونك (يمر) ويا عساك سعيد
واردد (عيدك مبارك ) / حبيبك ماتت اعياده

هزاع الساري
الرياض 4-9-2011