بعد وجفا وظروف وفراق غالين = واحساس بالغربه لونّي بْداري
ان قلت اسافر وين مْدري على وين= ماني على كيفي وحسب اختياري
في كل يمه هايمه مدري منين =اطلع من التوهه واعود إلْمساري
احس واشعر في خفوقي براكين= واصبر على جور الزمن باقتداري
احلم واقول افسر الحلم بعدين= واحيان تفسيره يجيني اجباري
وافسر المعنى على الزين والشين= ويطلع لي الناتج قبول اعتذاري
اعود لْيامي قبل عدة سنين= واحن للماضي واعيد اختياري
به تتضح عندي جميع العناوين= واقول يارجواي فيك انتصاري