أنـا (الأخطـل) ولكنّـي/ أديـن بملّـة الاسـلام = (أبو الطيـب) أنـا لكـن/ أنـا مانيـب متنبّـي
أنا (الأعشى) ولكنّـي/ أشـوف ولاعلـي عتـام = (حطيئة) لكن لساني/ سما عـن منهـج السبّـي
(جرير) الشعر هاللحظة/ (فـرزدق) هـذه الايـام = انا قرّة عيـون اللـي / يريـد الشعـر منصبّـي
(ابن جدلان) انا نصفي/ وباق النصف (ابن وسّام) = الايـاذا الهبـوب اللـي/ تهـز اشجاننـا هبّـي
انا (القاضي) انا الماضي/ انا الراوي (ابن بسام) = انا (الاحنف) انا الاعنف/ ولابه شخـص يلعبّـي
انا (وائل) انا هائل/ انا (عمـرو) انـا (بسطـام) = انا (سالم) انـا والـم / لسـنّ الرمـح والذبّـي
انا (جتلي) انا هتلي/ انا (هوقـن) انـا (فنـدام) = انا قمله انـا نملـه/ انـا عقـرب انـا ضبّـي
انا (ايفل) انا (بيزا) /انا (بـق بـنّ) و(الاهـرام) = انا كل شـئ بالدنيـا / وش اللـي ظـل ياربّـي
أنـا وآنـا أنـا وآنـا/ أنـا وآنـا إلـى قـدام = شواعير (الأنـا) تكتـب/ مشاعـر مالهـا لبّـي
شواعير(ن) بـدت تمـرض /وفيهـم زادت الالآم = فلاظنـي ابـد نلقـى/ لهـم بيـن المـلا طبّـي
يجي واحدهـم يمجّـد / بنفسـه وانـه المقـدام = وخلق الله من تحتـه / وهـو بالاصـل متخبّـي
الا ياوجد عين اللي/ يبي يسمـع مـن الإ ِعـلام = مشاعـر تستحـق انـك / تشاهدهـا وتنحبّـي
الا حسبي على من هو/ يأكشنها علـى الاجـرام = يبيها غصـب بالقـوّة / مـن الابـداع تشتبّـي
فضائيـات تعباتـه / بعـد مامـاتـت الاقــلام = سياستها ولد غالي / وهذا الشخص يعـرق بـي
وانـا مـاودّي اعمـم / ولكـن جلهـنّ حطـام = خطو ثنتين او وحده / وباقـي اللسـت دردبّـي
ابانجز هرجتي واختم / سلام الله علـى الأَعـلام = وبا ارجع اسمع (لغانم) /وبن(جلعود) مع (دبّـي)