°~*¤®§(§ شبـــكة ويــلان العـربـيـه §)§®¤*~ˆ° - زبنت ابو سطام لله دره .. ماخيب الهقوات ذيب المفالي.......

- منتدي الشعراء (http://www.weelan.com/vb/forumdisplay.php?f=8)

زبنت ابو سطام لله دره .. ماخيب الهقوات ذيب المفالي.......

يقول النبي صلى الله عليه وسلم:

(ومن أتى إليكم معروفا فكافؤوه فإن لم تجدوا ماتكافئونه فادعوا له حتى تعلموا أن قد كافأتموه)

مع الشكر والتقدير لسعادة اللواء ركن / بدر بن عبدالعزيز الربيق
مساعد وكيل الحرس الوطني للشؤون العسكريه بالقطاع الشرقي

يوم انها وصلت حـدود المـضــره = والوقـت داهـمني وضاق المجـالي

زبـنـت لي ظــلـعٍ رفــيـعٍ مــقـــره = ظـلـعٍ مـنـيـعٍ يـزبـنـه كـل جــــالي

زبـــنـــت ابـوســـطــــــام لله دره = ماخـيـب الهـقـوات ذيب الـمـفـالي

له فـزعـتٍ تجـلَى عن الكـبد حـره = يـفــزع ويـاطـا الـكـايده مـايـبـالي

حــرٍ ولـد حــرٍ ومـن نـسـل حـــره = دايم على الجيران مضفي الظـلالي

الـطـيب واضـح فـيه مابه مـغـــره = مثل الـقـمـر في مـظـلمات اللـيـالي

مشكور ياجـار الـسعـد الـف مــره = وفـيت في قـولك بصـدق الـفـعـالي

عــسـاك دايم للـسـعــد والـمـسـره = ياعـل قـلبك من غـثا الوقـت خـالي

يالله يارب الـفــلك والــمــجــــــره = عسى السعــد دايم لـجـاري مـوالي

احمد بن عبدالرحمن العريفي
(نديم المجره)

رد: زبنت ابو سطام لله دره .. ماخيب الهقوات ذيب المفالي.......

زبـنـت لي ظــلـعٍ رفــيـعٍ مــقـــره = ظـلـعٍ مـنـيـعٍ يـزبـنـه كـل جــــالي

زبـــنـــت ابـوســـطــــــام لله دره = ماخـيـب الهـقـوات ذيب الـمـفـالي

له فـزعـتٍ تجـلَى عن الكـبد حـره = يـفــزع ويـاطـا الـكـايده مـايـبـالي

حــرٍ ولـد حــرٍ ومـن نـسـل حـــره = دايم على الجيران مضفي الظـلالي
.
.
.
.
ونعم بالمادح والممدوح

صح لسانك ملايين اخوي احمد العريفي

كما عهدناك جزل

تقبل مروري

رد: زبنت ابو سطام لله دره .. ماخيب الهقوات ذيب المفالي.......

احمد العريفي

مليوون نعم بالمادح والممدوح
وصح الساانك ملايين يالغالي
قصيدة جزله من راس جزل

تقبل مروري واحترامي

كن بخير

رد: زبنت ابو سطام لله دره .. ماخيب الهقوات ذيب المفالي.......

احمد العريفي

صح لسانك وإعتلى شانك
وسبعة أنعام بالمادح والممدوح
رائعه من روائع ( نديم المجره )
لاغرابه يالذيب شاعر متمكن

تحايا

رد: زبنت ابو سطام لله دره .. ماخيب الهقوات ذيب المفالي.......

الشاعر القدير

احمد العريفي

صح لساانك ...ولاهنت

ويستحق الممدوح هذا المدح بدون شك
ولايستغرب الطيب من اهل الطيب

دمت بكل خير

رد: زبنت ابو سطام لله دره .. ماخيب الهقوات ذيب المفالي.......

الف و نعم فيك و فيه و يستحق هذا النص الفاخر بما أنه قدم لك المعروف ..
.
و انت شاعر جزل ..
صح لسانك يا مبدع ..

رد: زبنت ابو سطام لله دره .. ماخيب الهقوات ذيب المفالي.......

الشاعر القدير / احمدالعريفي

صح لسانك وعتلا شانك على هذه القصيده

دمت بخير