أتظاهـر بالشجاعـة واستمـر أبكبريـائـي=وانا والله في الحقيقة صرت اضعف من يكون
ما لقيت الحـل لهمـوم(ن) كثيـر إلا بكائـي=وادري إن الحل فاشل لا وصل دمع العيـون
الجروح اللـي بقلبـي مالهـا حل(ن)نهائـي=والعناد اللي براسـي يظلـم القلـب الحنـون
فيني من غدر الزمن جرح(ن)تسبب في شقائي=وفيني همـوم لـو اجمعهـا تـؤدي للجنـون
كم خسرت اشياء كثيرة والسبب شدة وفائـي=عادتي اوفي ولكـن الزمـن طبعـة يخـون
ابكي احلام(ن)منعنـي مـن تحققهـا حيائـي=اكتم أحزانـي ولا اشكيهـا لناس(ن)يشمتـون
يـا إلهـي لاتضيعنـي ونافيـك التجـائـي=والله انه فيك ياربـي فـلا تخيـب الظنـون
كل ما ضاقت عليه قمت اوجـه لـك دعائـي=وكل هم لا دعيتك في نظـر عينـي يهـون
انت عوني وانت نصري فيك يا ربي رجائـي=وانت امرك لا بغيته قلـت لـه كـن فيكـون

تسلم اخوي سالم السلمي العنزي

شاكرة مرورك الكريم

لك تحياتي وتقديري