يمكن مريض النفس تلقى له علاج=لكن مريض القلب وش هو علاجه
غير الحسد والحقد ما عنده انتاج=يحذف حجر وبواب بيته زجاجه
وليا نصحته قال ماني بمحتاج=والظاهر ان العقل فيه ارتجاجه
وإذا بلاك الله بإانسان منعاج=اصبر لعل الله يعدل انعواجه
واكتم همومك لا تسبب لك إحراج=شكواك للمخلوق ذل وسذاجه
والياصبرت تشوف من ربك افراج=ومافيه هم إلا بيده انفراجه
نصبر ودين الرب هو خير منهاج=وبه ناس واجد عايشين بهماجه
ياالله تفرج هاجسٍ بالحشى لاج=ومالى سوى رجواك يارب حاجه

اقتباس:
المشاركة الأصلية كتبت بواسطة بنت الكحيلا http://www.weelan.com/vb/kingstyle/buttons/viewpost.gif



بنت الكحيلا


صح لسانك وإعتلى شانك وسلمت أناملك
على هذا الإبداع الغير مستغرب من شاعره بحجم بنت الكحيلا
حقيقة ً حاولت إقتبس ولكن كل ما أعجبني بيت وجدت البيت الآخر
أفضل وقررت إقتباس القصيده كاملة ً لأن جميع أبياتها نالت إعجابي
لله درك يابنت الكحيلا


تقبلي إعجابي الشديد