دنـيا رديـــه مـن شـقـاهـا تعـنـــيت=قل الوصال وخاطر الناس شيني
ماكنت أصدق لـو يقـولـون صــديت=إلا بعـد مـاشـفـت صـدك بـعيـني
ياما على شـانك ســهرت وتحـريت=أني ليا أحتجتك بوقـتك تجيــني
وياما علـى شـانك وقفت وتحــديت=واقول هذا بالوفى يــحــتوينــي
وياما علـى شـانك طلبـت وتمنـيت=أنك على طول الليالي عويني
وياما علـى شانك تعبت وترجيت=أنـي ليـامن جـيـت لـك تحتـريـني
وياما علـى شـانك تـرانـي تعـديت=ناسن كثيره بالكـلام تهجيـني
وأكبر مصيبه عن وصالـي تخلـيت=لاواحسافه كيف قلبك نـسيـني
خاين وأشوفـك بـالخـيـانه تمـاديت=لاواخساره بس راحت سـنيـني
لاكــن جـزا لك دام عــنـي تـسـلـيت=ماعاد راجع لك ولو تهـتويــني
طبعي كـذيا مـا تـراجـع ليا أقـفــيت=وتثـبت لك الأيـام بـينـك وبيــني
مع السلامه واحسب أنـي تـوفـيت=لاعاد تذكرني ولا ترتـجيـني
هذا قراري واسمعه لو تعلــيت=مالك مكانه دام قلـبك نسيـني