بكيت احلامنا وايضاًبكيت الحب والأشـواق=بكيت بلحظة الفرقى يوم انه قال مسموحه

وداعاً حبي الصادق كثر ما القلب لك يشتاق=احبك لكن العاشق كلامه ضد مصلوحه

انا ادري هالزمن قاسي ابد ما يرحم العشاق=كثير اللي مثل قلبي يشيل احزانه بروحه

باسطرلك معاناتي قصيـدة داخـل الأوراق=اخبيها عن الحاسد وسر القلب..... ما بوحه

حبيبي هذي الدنيا عوايدهـا حـزن وفـراق=ترد ابواب فرحتها بعد ما هي ..بمفتوحه

تبسم للزمن تكفى ترى دمع القهـر حـراق=حذاري تذرف الدمعه لو ان النفس مجروحه

غياب الشمس يتعبني ابي كل الحياة اشـراق=ابي شمس الأمل تشرق على من رافقه نوحه

نبي نصبر على الفرقا لو ان البعد ما ينطاق=لعل ايامنا تقدر تلم احلام .....مطرووحه

الشاعرة المبدعة ,,,


بنت الكحيلا ’’


صح السانك احساس راائع رغم المعاناة والشوق والامل ,,,


ابيات مليئة بروح الشعر الجميل وبحر رائع صيغ باسلوب السهل الممتنع ,,,


فالله درك على هذا الابداع والامتاع ,,,



غياب الشمس يتعبني ابي كل الحيـاة اشـراق
ابي شمس الأمل تشرق على من رافقه نوحه
نبي نصبر على الفرقا لو ان البعد ما ينطـاق
لعل ايامنـا تقـدر تلـم احـلام .....مطرووحـه



الله اكبر على هالابيات الرائعة ..امل .. واماني

اعجبني كثيراً رغم روعة الابيات كلها


تقديري واحترامي لقلمك

صح بدنك اخوي سالم صالح

وتسلم على هذا الكلام الطيب

الله يعطيك العافية ولإبداع في مرورك الكريم

لك شكري وتقديري

صح بدنك اخوي محمد بن موسى

واشكرك على هذا الكلام الطيب والمشجع

والله يعطيك العافية على المرور الكريم

لك مني كل التقدير

اللهم آمين وان شاء الله تشرق علينا وعلى كل من ينظر إشراقها

صح بدنك اخوي سعد النفج

وتسلم على الكلام الطيب

والإبداع اراه في مرورك الكريم

لك شكري وتقديري