لاتحسبن بغيبتي عنك ناسيك=ولا سليت ولاهيه بامنياتي
لا والذي من حاني القلب معطيك=وارسى غلاك بوسط روحي وذاتي
انك مثل نور العيون المحاكيك=لاغاب نور العين تظلم حياتي
مكانتك في وسط هذي وهاذيك=في نون عيني مسكنك ياغلاتي
واني عقب فرقاك شفت التهاليك=غريق ضاعت منه سبل النجاتي
في غيبتك جفت محاصيل غاليك=واللي جمعته صار عقبك شتاتي
ابكي على ايامك واحن اللياليك=يوم اتذكر ماضيٍ معك فاتي
والله ما بالكون شخصٍ يساويك=ولاحدن تجرأ بعد غيبتك ياتي
ياجعل يفدونك جميع الصعاليك=ومدورين الهرج واهل الشماتي
مشاعري صارت لحكمك مماليك=وصلك مثل سقيا المطر للنباتي
عجزت لا اسلا كل مابي يناديك=لامن طريت اعاف لذة مباتي
تدري متى بنساك ويغيب طاريك=لاغاب ذكري واخبروك بوفاتي

الراقية ,,,,


غموض الشمال


صح السانك ونبض قلبك الطاهر ومن طول الغيبات جاب الغنايم ومن معدنه طيب يجيب الطيب


قصيدة راائعة ومليئه بالاحساس الصادق وجمال المفردة وروح الكلمة،،،،



تدري متى بنساك ويغيب طاريـك
لاغاب ذكري واخبـروك بوفاتـي




الله اكبر خاتمة ولا اروع بيت اعجبني كثيراً واستوقفني

رغم روعة ابيات القصيدة بكاملها


لله درك وتقبلي تقديري