جده
وش عاد باقي من النكبات ياجده=من بعد ما خذتي من الغبن لك دوره صحيح تظهر طباع الخلق بالشده=نفوس متبجحه ونفوس مقهوره ادري دموعك من اللي ما عرف حده=الغبن لاهل البلد والخير بقدوره متجند الغدر والشده ورى الشده=وكلا من القسم له حقه وله دوره حتى وجيه البشر جت يوم مسوده=من بعد ما كانت الاوضاع مستوره الزمره اللي تخون الدار من مده=هذيك لو تعتذر ماهي بمعذوره بكره عليهم تجي هجمات مرتده=ان طاب حظ البلاد وعاد اخو نوره الله يجيبه عقب ما غاب ويرده=والشعب يفرح بعودة نور ديجوره ويشوف حظك من النكبات ياجده=من بعد ما خذتي من الغبن لك دوره |
رد: جده
الشاعر القدير / صالح السالم
صح السانك عدد بلا مدد الله عليك ابدعت وامتعت رساله صارخه وموجهه للمتسببين بكارثة جده تحكي بلسان حالنا جميعاً فمايحصل بجده ( عروس البحر ) احزننا جميعاً وشي يحز بالقلب ويدمع العين ونتمنى ان يكون الفرج بعودة ابو متعب على خير ويتم محاسبة المتسبب لله درك ياصالح فالشعر رساله وانت اوصلت الرساله للجميع تقبل مروري واعجابي |
رد: جده
صالح السالم
صح لساانك ولاهنت نص مميز لله درك ابدعت وتميزت دمت بكل خير ودام هذا التميز تقبل جل تقديري واحترامي |
رد: جده
الـزمـره الـلـي تـخـون الــدار مــن مــده هـذيــك لـــو تـعـتـذر مـاهــي بـمـعـذوره بـكـره عليـهـم تـجـي هـجـمـات مـرتــده ان طاب حـظ البـلاد وعـاد اخـو نـوره الله الله عليك ياشاعرنا صح لسانك مليار ولله درك واضح الشديد حبك الكبير لجده وتتساهل جده من اقدم المدن بالسعوديه ومعروفه على مستوى الوطن العربي بعروس البحر وتصويرك ورتباطك العميق بها وهذا هو الشعور الطيب ومتوقع من شاعر كبير مثلك لله درك وجده ربك كاتب لها هذا يمكن خيره لها لله درك والله يحفظ ابو نوره ويرجع بسلامه ويطول عمره سجلي أعجابي بها |
رد: جده
اخوي صالح السالمصح الله لسانك قصيده جزله من شاعر جزل لاهنت
والجميع حزين على مايحصل بجده ولاكن الامل بالله ثم بخادم الحرمين الشريفين كما نتمنى ان يرجع سالم غانم إلى هذه البلاد دمت بود |
رد: جده
بكره عليهم تجي هجمـات مرتـده ان طاب حظ البلاد وعاد اخو نوره الله يجيبه عقب ما غـاب ويـرده والشعب يفرح بعودة نور ديجـوره ويشوف حظك من النكبات ياجـده من بعد ما خذتي من الغبن لك دوره الراقي صالح السالم صح السانك قصيدة غاية في الجمال والابداع ولقد صورت الموقف باجمل صورة فالله درك على هذا الابداع والله يرد اخو نورة بخير وسلامة وتطيب جدة وكل المملكة العربية السعودية تقديري لك |
رد: جده
ما اجمل الشعر حينما ياتي قريبا من النفس صادقا في كلماته جزلا في معانيه .. لن تفي الكلمات هذه القصيده حقها .. صح لسانك الي ان ترضى وسجلني من المعجبين بما تكتب
|
| الساعة الآن (06:37 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه