معشوقتي أفخـــتّــها وافختتني=تفاختت أيامنا وافتختنا
فاتت علينا أوقاتنا وازلهتني=ومن أولّ ٍ في حبنا ماشنتنا
اثري ...... بفعلها عذبتني=بنت ...... سواتها هبّطتنا
بجمالها وبعقلها اسحرتني=هويتها وخصّيتها وأتعبتنا
بالقلب ركز ارماحها واطعنتني=وطحت لحالي بالخلا ماتنتنا
معارك ٍ من بيننا واهزمتني=غصب ٍ عليه يومها صوّبتنا
القلب دمّــا وارتعش وانتلتني=نتل الرشا يوم انها ناظرتنا
واليوم راحت عننا واتركتني=هذي مقادير الزمن فرّقتنا
علمي بها يوم انها صدقتني=وهالحين بكل أقوالنا كذّبتنا
مالومها مادامها ماعرفتني=مالومها لو إنها همشّتنا
مالومها بخصالنا واحسبتني=مادامها مابرّقت في سمتنا
لو انها بسواتها اغمضتني=ابقى انتظرها واحتري ماحترتنا
وباق ٍ واذكر طيفها ما اذكرتني=ويبقى العهد لو انها مالفتنا
عمار يوم ٍ بالحصى وارشقتني=عمار يوم بالحصى طاوشتنا
عمار يوم ٍ قرّبت وافلقتني=تضحك وتلعب يومها ماقصدتنا
وقامت تبكي وبالبكا لوّعتني=خافت عليه وخفتها وخوفتنا
وشقـّت شيلة راسها واعصبتني=بطيب الريح وطيبها طيبتنا
وبراس طعس ٍ بالخلا واسبقتني=وهب الهوا ومع قرنها موّهتنا
أنصفتها في حبها وانصفتني=وفاتت علينا أيامنا واقلبتنا
ولا بدله مادامها ما ابدلتني= لو راح عمري ودنيتي واقبرتنا