اخواني اتمنى ان تحوز على ذائقتكم الراقية وان تجملنا عند ابو هيثم ،،،،



.
.
.

ياشاعر المعنى وياشاعر الكيف =ياللي حروفك للمسامع تعابير
جيت انثر شعوري واسوق التواصيف=من زين فكري بين صفر ومغاتير
انقي الجزلة ذهب ماهي بزيف=واعطيك انا من نقد راسي دنانير
احذف دلو الفكر مع موجة الصيف=واتل عذب القاف من قاعة البير
واصف لك من لول شعري مراديف=واقطف من زهور المعاني نواوير
اجمّع ابياتي محبة وتشريف=لمصافح شعورك تجي لك مسايير
ابني لها صرحاً وطيفٍ وراء طيف=لجل اتجمل عندك بفعلٍ يثير
ان كنت انا ذيب الشعر فانته السيف=قيفان شعرك في سطورك بواتير
بالمدح ساطي والهجاء رمحه يخيف=والّا الغزل غصنٍ تعشقه عصافير
لك بالادب من كل دارٍ مواليف=رابح جزالة حرف واقلامك تغير
في ساحة الابداع ماهر وحريف=وفي ملتقى النخبة بنيت الاساطير
اسست كلمة وبصمتلك بتعريف=يوم ان شعر اليوم لجة وتصفير
جدران تبكي من عنا كل تخريف=وحتى الزوايا هدها كثرت السير
اقزام تظهر في زمان الملاقيف=باسباب سب وشتم صاروا مشاهير
ومنبوذ يحكى لافيٍ يمنا ضيف=اصبح شريف وضمن ساس المناعير
هذي هي الساحة بقايا مجاديف=وهذا هو الواقع قناع ومناشير
صارت قضيتنا قضية معازيف=واطلال نتباكى عليها من الزير
وسلام ياشاعري شاعر الكيف=ياللي حروفك للمسامع مزامير
بالشعر وافي يشهدون العواريف=وبالطيب راهي من سلالة مغاوير

المشاركة الأصلية كتبت بواسطة سالم صالح (المشاركة 335025) بسم الله الرحمن الرحيم قصيدة موجهه الى اخي الشاعر القدير / رابح الغضيان ،،، بالمدح ساطي والهجاء رمحه يخيف=والّا الغزل غصنٍ تعشقه عصافير لك بالادب من كل دارٍ مواليف=رابح جزالة حرف واقلامك تغير

الف الف الف صح لسانك ياشاعرنا القديرسالم صالح وتستاهل اللقب وقليل بحقك
ويستاهل الشاعر رابح الغضيان لقب سيف الشعر بدون مجامله
وهمسه لك اخي سالم ؟؟؟؟؟؟؟
الشاعر شاعر في كل الحالات حتى في الفكاهه
ان كان في هجا مدح غزل اللي يكون هي موهبه شعريه بماسخرت له لاتربط في باب معين من ابواب الشعر بل هي ابداع في اي باب
والغزل هو من ابواب الشعر ولك تحياتي وتقديري