ياريم ياريم الحضر والبوادي=انتٍ حلا الحلوات يابنت بالذات
فيك الجمال الي ابد غيرعادي=سبحان من يخلق من البيض حلوات
على العسل قلت الحلا فيك زادي=واحلى من السكر حلاكِ شويات
ماني انا يابنت الاجواد غادي=هرجي صحيح واثبت الهرج باثبات
قلت الحقيقه نابعه من مرادي=حقايقً مابه من الزيف ميلات
شاعر واترجم مالجا في فؤادي=شوف العيون ولايجي فيه شكات
ارحم محباً صار باسمك ينادي=مره ينادي واغلب الوقت اهات
عيني جزت ماعاد فيها رقادي=اسهر بطيفك ياريش العين مابات
والكبد عافت لجلك اليوم زادي=النفس صامت مالها فيه حاجات
من حبكم امشي على غير قادي=راحت حياتي بين روحه وجيات
صبري نفذ ياغياتي ياودادي=وعمري بدونك ماله اليوم خانات
ارحم محبك صار موته وكادي=وش ينفعك بعدين لاقيل لك مات