عمهوج خط الشعر في قافية آش=وبيّن ووضح عن خفايا ضميرة
قرمٍ ولد قرم وتفداه الأوباش=شاعر قدير للمعان الخطيرة
معناك ضوى في ضميري كما فلاش=وأشعل بوسط الجوف نار السعيرة
وأرسلتلك عبر الأيميلات مطراش=وعندك ابي يوصل بسرعة كبيرة
في داخلي جن الشعر يرعش ارعاش=يرعش ويلعب بالسيوف الشطيرة
يجيب لي بيته قبل ترمش ارماش=وان ماعجبني بدله لي بغيرة
أبيات شعرٍ كلها حاضرٍ كاش=مشاعرٍ يابن العرب ماأستعيرة
ماني مثل غيري بالأقساط يعتاش=يشحذ بيوته والمشاعر فقيرة
بعض العرب شعره يوديه الانعاش=وياللأسف مكسور رغم الجبيرة
وبعض العرب شعره كما طاش ماطاش=موزون لكن المعاني ضريره
لويرتفع مايرتفع عندنا لاش=يبقى وضيعٍ منزله بالحظيرة
البنت ماقالو ابد تاكل الباش=الا يطيح الباش في حكم غيرة
ورعٍ ولأعراض المخاليق نهاش=ماطب مجلس غير تسمع صفيرة
يعيش بالظلما كما حال خفاش=يخاف لايعرف بوقت الظهيرة
ولد الحموله أن جاع ماصار فرّاش=يبقى عزيز النفس ويقول خيرة
لاعاش من يصبر على الضيم لاعاش=وبعض العفون اللي خطاهم قصيرة

ماني مثل غيري بالأقسـاط يعتـاش
يشحـذ بيوتـه والمشاعـر فقيـرة

بعض العرب شعره يوديـه الانعـاش
وياللأسف مكسـور رغـم الجبيـرة

وبعض العرب شعره كما طاش ماطاش
مـوزون لكـن المعانـي ضـريـره

لويرتفـع مايرتـفـع عنـدنـا لاش
يبقـى وضيـعٍ منزلـه بالحظـيـرة



مرحبااااااااا بك الف

عذرا عذرا اخي رسخ اسم

"
لجمال ماقراءة له سابقٍ

وبالتأكيد انه اسمٍ يسعدك ويشرفك فالابداع جزءٍ لايتجزاء

عذرا لك وشكرا لك....

ولي عوده الى هذه المعزوفه الرائعه...

احترامي وتقديري