بنت فكري خفرةٍ مياسةٍ مزيونه=ياكثر عشاقها لاطبت الميداني
طبعها تعين الكريم ولاترجاء عونه=ماتمد كفوفها ياغير للرحماني
شامخه متواضعه متمكنه مصيونه=تكتسي بالعز والاجلال والأيماني
تجتمع فيها سماتٍ صاحيه مجنونه=يندمج معها كبار القوم والصبياني
العدو منها يموت وينكفي ماعونه=من سطرها لا تغنت يرقص الشيطاني
والصحيح بيوت شعري شفرةٍ مسنونه=تأخذ الجزل الثمين ولاتحب الفاني
ابتدأ جزل القصيد وزان طرق لحونه=والجزيل من الكلام يرجح الميزاني
والمعاني فوق نجم سهيل ماهي دونه=يارجال الطيب والمعروف والاحساني
والرجل لولا فؤاده ماتفيد عيونه=يعني القلب السليم يقدي العمياني
ياوريث العز ياغيث الوفاء ومزونه=انت ياعبد الكريم مروض العدواني
انت من شال الحمول الباهضه بمتونه=عشت ياعبدالكريم ودمت يابليهانيِِ
يالكريم اللي رجال المعرفه ينصونه=والله انك عز قوماً يكرمون العاني
انت هداج المسمى والعرب يردونه=يالعواجي دام عزك والجميع خواني
والأمانه في يدين اهل الوفاء مأمونه=عاد مابالك الياصارت مع سليماني
ومة الويلان هي مجد العرب وركونه=والدليل الأمه اللي سايده ويلاني
هامةٍ تبغى تمس كيانها مدفونه=يكفي ان رجالها موتٍ حمر من داني
دون نقصاً في حقوق اهل الوفاء والمونه=لو بصدري يارجال الطيب علماً ثاني
العسل طعمه يبي يفرق عن الليمونه=مثل ماحنا نقول فلان غير فلاني
والصحيح نفوسنا لأهل الوفاء مديونه=لايقول الشاعر ان الشان ماهو شاني
وكلمة الطيب من لسانه تجي موزونه=والسعيد اللي تمكن قلبه الايماني

ابتدأ جزل القصيد وزان طرق لحونـه
والجزيل من الكلام يرجـح الميزانـي

عيادة العلي

فعلا معك ابتدا جزل القصيد

ومليون نعم بالمادح والممدوح

قصيدة جزلة من جزالة شاعرها ياعيادة

صح السانك ملايين يالغالي

تقبل مروري وفائق احترامي

العـسـل طعـمـه يـبـي يـفـرق عـــن الليـمـونـه == مــثــل مـاحـنــا نــقــول فــــلان غــيــر فــلانــي
والصحـيـح نفوسـنـا لأهــل الـوفــاء مـديـونـه == لايقـول الشـاعـر ان الـشـان مـاهـو شـانـي
وكلمـة الطيـب مــن لسـانـه تـجـي مـوزونـه == والـسـعـيــد الــلـــي تــمــكــن قــلــبــه الايــمــانــي

لله درك كم انت مبدع

تقبل اعجابي