سرى البرق ~
 

اسمحوا لي أطرح هذه القصيدة في منتدى الشعراء مع اني جديد لم احصل على لقب شاعر بس مستعجل

هذه من أوائل قصائدي أتمنى تعجبكبم





سرى البرق وادرجت الخطاوي مع البراق
...... وأنا ما اقصد أخايل سنا البرق وأساير

أنا قصدي أوسع عن الصدر دامه ضاق
...... وأخطف المعاني خطفة الطير للذاير

يقولون ذباح الظلام أول المشراق
...... وأنا اقول ليت الليل ما ينوره ناير

ترى الليل به ستر المواجع عن الطراق
...... وأنا اشوفه المرسى وهو وجهة الحاير

أنا انحشت من صفع الهوى ردني بطراق
...... وطوعني بحكمه وهو حاكم(ن) جاير

ذرى الذاري ومفتوق جرحي بدون رواق
...... لواني عشيري مثل من يلوي الواير

وش اللي بقى ما دام خلي هو السراق!!
...... سرقني وانا إللي محتوي جرحه الغاير

سرق قلبي وقفا وأنا له تعبت اشتاق
...... ولو فيه ما فيني لفاني وهو طاير

رد: سرى البرق ~
 

صح لسانك ملايين

قصيده جزله من شاعر جزل

بيض الله وجهك--------تقبل مروري----------تحياتي

رد: سرى البرق ~
 

صح لسانك

ملايين


مبدع

بحق مبدع

لله درك

عبدالله

معيوف

صح لسانك

وسجل اعجابي


فهد السلقاااوي

تم التقييم

رد: سرى البرق ~
 

رد: سرى البرق ~
 

صح لسانك اخوي عبدالله المعيوف

قصيدة رائعه الله يعطيك العافية

لك شكري وتقديري

رد: سرى البرق ~
 

يقولون ذباح الظلام أول المشراق
...... وأنا اقول ليت الليل ما ينوره ناير

ترى الليل به ستر المواجع عن الطراق
...... وأنا اشوفه المرسى وهو وجهة الحاير


الله كم انت مبدع يا عبد الله ..

فلسفة جميلة وشعر يمتزج بالوجدان على قالب من ذهب ..

ابدعت وهنيئا لنا بحضور شاعر جميل مثلك ..

تفضل في ويلان وانثر لنا كهذا الجمال ..

لله درك

رد: سرى البرق ~
 

استاذي الكريم صح لسانك
عدد بلا مدد
قصيدة راقية برقيك
سعدنا بوجودك
قبل مروري ودمت بود