{{{ قصيده للشاعر : عايد بن ضافي الجلوي }}}
هذه القصيده للشاعر / عايد بن ضافي الجلوي الضوي الجعفري العنزي( رحمه الله )
وهو يمتدح بها بعض جماعته أرجو أن تنال إستحسانكم
البارحه يوم انجضع كـل مرتـاح=ناموا وطاب النـوم للـي حذاهـم ما نمت اخيّل بالدجى بـارق ٍلاح=يبرق على ربع ٍ بقلبـي غلاهـم يبرق لياما بهّج الصبح وانبـاح=مزنن تحدّر غيبة الشمس جاهـم روّح عليهم كفة المـال مـرواح=فيّض على بطيمان سيله غشاهـم وتباشروا بالسيل يوم المطر طـاح=رحمة كريم ٍمن فضولـه عطاهـم سيل ٍغرق ما هو تناقيع ضحضاح=ينبت لهم قمح ٍ يجيـب الدراهـم ديرة عطاالله هو والأركع وصياح=وساع الصدور اللي بعيد ٍمداهـم حامينها للي يجي عقب مـا راح=وبغيابهم ما يطمعـون احدداهـم ياليت لو ما الشيب بوجيهـم لاح=ياليت لو يرجع عليهـم اصباهـم علي بعيد الصيت كسّاب الأمـداح=ليا جوه ربعه ما تغالـى إقراهـم نبّه عليهم غيبة الشمس بمـراح=حرّم وطلّق غير عنـده عشاهـم بديوان ابو مطلق تعاليل وأمـزاح=وناسة ٍعقب السفر هـي مناهـم وناموا على فرش ٍعذيـات الارياح=في وسط ديوان ٍ دفـيّ ٍ إغطاهـم ووسم التعب والبرد بوجيهـم راح=صبح المقـام معلقين ٍ افراهـم ومساعد الكسّـار للحيـل ذبّـاح=زكّن عليهـم بالغـدا واحتساهـم صميدان قطّاع الفيافـي ليـا راح=من الرجال اللـي بعيـد ٍ مداهـم ما هو من اللي يانفسق راح سـوّاح=ينهج لنـاس ٍمـا لغاتـه لغاهـم أبو خلف يا الفاء على الربع يرتاح=وهم يفرحون بجيّته يـوم جاهـم عسى لياليهم مسـرات وافـراح=ريف الضيوف مشيّمين اقصراهم وبيوتهم عن طقّـة البـاب فتّـاح=ما غيّروا عاداتهم مـن صخاهـم ليا مر من عقب العِشا رمي وصياح=والخيل لاجت بالمرابـط تراهـم تحيزموا باللـي يسلّـن الأرواح=وتنادبـوا بالجعفريـه نـداهـم جت اول الفزعه على الخيل طفّاح=تحت ظلام الليل تسمـع احداهـم يعرف وحيهم بين رعوي وفلاح=ما ينتخـي بالجعفريـه سواهـم والله يعز ربوعنا صدق وانصاح=كم واحد ٍيبي الذرا مـن ذراهـم {{ وسلامة الجميع }} ((( منقوله ))) |
رد: {{{ قصيده للشاعر : عايد بن ضافي الجلوي }}}
حمد الضوي
الله يعطيك العافيه على الاختيار الجميل,, والله سبعة انعام بمن ذكرهم الشاعر ورحم الله الشاعر عايد بن ضافي الجلوي الضوي الجعفري العنزي وسلمت يمينك على النقل المميز تحياتي لكـ |
رد: {{{ قصيده للشاعر : عايد بن ضافي الجلوي }}}
اقتباس:
سعد بن هندي الله يعافيك ويطول بعمرك , والله يتقبل منك ويرحم الشاعر عايد الضافي رحمة ٍ واسعه ويرحم جميع أموات المسلمين ...والف شكر على المرور العاطر ....تحياتي |
رد: {{{ قصيده للشاعر : عايد بن ضافي الجلوي }}}
الأخ العزيز وابن العم العزوة (( حمد الضوي )) اشكرك من كل اعماق قلبي على ذكرى هذه القصيدة التي قالها ابو عدوان رحمة الله عليه وقدترك هذا الرجل فراغا كبيرا بين جوانحي لمعرفتي القريبة به اذكر انه مر بطلحة المخلاص وقد وجدها عطشانة من القيض والمحل اللي مر بتلك الديار في سنوات ماضية وهي شجرة كان يمرها في صباه مع الشيبان رحمهم الله فوفاء منه ملأ شراع ماء واسقاها لما لها من ذكريات في نفسه وقال :
ياطلحة المخلاص علك تسيلين = يالله ياعلك طول الايام خضرا مجلاس طلقين الوجيه العزيزين = اللي بهم عن لاهب القيض مذرا ياليتهم حيين لوهم بعيديين = لوهم بشرق ضمير والا بعذرا اخوي حمد صح لسانك وسلمت يديك وسلم لي على شيبانك وجميع من يعز عليك ... في امان الله .... |
رد: {{{ قصيده للشاعر : عايد بن ضافي الجلوي }}}
اقتباس:
عبدالمحسن الجلوي أخوي عبدالمحسن / صح بدنك والشاعر : عايد الجلوي فقيده على الضواويه والجعافره خاصه وعلى عنزه عامه فنحن نشعر بماتشعر به تجاه ذلك الرجل والشاعر الفذ رحمه الله رحمة ٍ واسعه.ويعلم الله أنني من الناس الذين يشفقون على سماع وقراءة قصائد ذلك الشاعر لأن شعره يحتوي على كثير ٍ من العبر والحكم.والف شكر على القصه التي أوردتها والأبيات كذلك وأن دلت على شئ فإنما تدل على وفاء ذلك الرجل .جعل الله مثواه الفردوس الأعلى من الجنه. وجميع أموات المسلمين..... وسلامك يبلغ بأذن الله عسى تسلم من كل شر ,,,,, لك جل ّتقديري واحترامي يا بن العم والـــــــــــســـلام . |
رد: {{{ قصيده للشاعر : عايد بن ضافي الجلوي }}}
يعطيك العافيه اخوي حمد
وتسلم يمينك على النقل الرائع تقديري لك |
رد: {{{ قصيده للشاعر : عايد بن ضافي الجلوي }}}
اقتباس:
غموض الشمال الله يعافيك أختي غموض ...........الف شكر على المرور ...........دمتي بخير أخيّه,, تحياتي . |
| الساعة الآن (07:58 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه