احساسك الشعري في ورطة},,,)سعد النفج),,,
http://www.weelan.org/misc/weelan_alsh3ry.gif
السلام عليكم ورحمة الله وبركاته ,,, اصبحتم وامسيتم ببيـاض لكم من كـل ترحيب اجمله ,, ومن الشعراعذبه ,, ومن التميز افضله ,, اشتقنا لمعانقةالابداع . نواصل الابحار في عالم الابداع والشاعريه المتجدده مع شعراء ويلان المبدعين . في هذه الرحله الجديده مع ضيف جديد وشاعر مميز . في هذه الرحله سوف نعيش الاحساس الشعري الصادق والحاضر دائما بتميز وابداع.. مع شاعرنا الرائع .,,,... الشاعر: (سعد النفج) آليه الموضوع: - سوف افتتح الموضوع بطرح سؤالين على الضيف . - كل عضو من الاعضاء يريد ان يسآل الشاعر يجب ان يكون السؤال ببيت او بيتين او ثلاثه فقط .(حد ادنى بيت واحد وحد اقصى ثلاث ابيات) - يجيب الشاعر على الاسئله بنفس القافيه والوزن. - الاسئله تكون شعريه من تآليف الشاعر فقط. - مدة هذا اللقاء اسبوع واحد فقط . البدايه مع شاعرنا الجميل ..؟؟...>>سعد النفج ^^^^^ 1- سعد النفج من انت ؟ 2- كم عمرك ياسعد ؟ 3- تقول في قصيدتك (زهرة النرجس) و انـســى اغـتـرابـي بــيــن لــنــدن و بـرلـيــن و انـســى الـزمــان الـلــي يـشـيـن و يـزيـنــي 4-هل الغربة بوجهة نظر سعد هي غربة الوطن فقط اي غربة المكان؟؟؟ \\... واترك لكم المجال اخواني |
رد: احساسك الشعري في ورطة},,,)سعد النفج),,,
ارحب اخوي سعد صراحه انا معجب في شعرك وفي مفرداتك الجميله
اليكـ اسئلتي المتواضعه 1 عطني بيوت(ن) بالظبي لا طرالي يفز قلبي واونس الضيق بحشاي لو كنت انا ماخاف لوم الرجالي لبسط على رمض الثراء كف يمناي 2 ياذيب عطني حقنه(ن) للهواوي بيت دفين (ن) في معاني فريده وش ينفع اللي ساهراً بالمناوي دامن سلمه جمده بالجليده والله لو ينفع بحبي رشاوي لا اسرق من اوباما وخلص رصيده 3 كم جتك من ارياح ياضلع عرنان ماطيحت عزمك وباقي محلك من يوم ماجريت صوتي الى الان وهمي مثل من جاك يبغاء يتلك |
رد: احساسك الشعري في ورطة},,,)سعد النفج),,,
بكل تاكيد حوار سيكون شيق
مع اخي سعد النفج وبجد تعجبني كلماته ام تفكر وش تسئل وبيت الله يصلحك ياحساس يابو نفج وش حال الاشواق قلي لامن غدت روحي بالحلام تتليه لاهو بسط كفه ولا وصل حلي ولاهو ترك دربي ولا عاد برجيه نقول من هو خذا عقل ابن الاجواد كله ومنهو روى في روحه الشوق واضماه اعترف كم يوم هلت دمعتك وانت ساهي من يوم مابعض الملا حل طاريه نبعد عن الغلا وجوه هات في كرتك مواعيد الزياره واعترف من قبل تحديد المصير كم من الترفات ماخذتن صداره وكم من الترفات تختال وتسير مانبي اسمن ولا نبغي اشاره بس تذكر بالعدد لهن وتشير شكل سعد بيحذفني من اقرب شباك حظ اوفر لي عوده |
رد: احساسك الشعري في ورطة},,,)سعد النفج),,,
اقتباس:
الراقية / احساس قلم شكراً لك على هذا الرقي و الجمال و على هذه الإستضافة و المقدمة الجميلة .. اتشرف بأن أكون الضيف لهذا الأسبوع و اتمنى أن أكون عند حسن ظن الجميع و أن يسعد الجميع مع حرفي في هذه الزاوية المميزة .. أكرر شكري لك احساس .. و لي عوده مع الحرف .. |
رد: احساسك الشعري في ورطة},,,)سعد النفج),,,
عوده مع احساس قلم ..
1- سعد النفج من انت ؟ شــاعر غـريب اطــوار مـــالي بدايه .................... جهلت بالواقع و اواجه خيــالي اخشى الفشل و الغطرسه و الوشايه .................... و اخشى نجاتي في وجود احتيالي صباحي اضحك / و الحزن في مسايه .................... و اشيل حمل ٍ ماله اي احتمـــالي 2- كم عمرك ياسعد ؟ العمـر مـــا هو مــولــدي كان تدرين .......................... العمر عمر التجربه و الفراسه لو قلت عمري صار سبعه وعشرين .......................... التجربه عمر الفتى و الــدراسه يعني بحسـبـتـهـا يجي لي ثمـــــانين .......................... و كلن يقــدّر بالتجارب مقاسه 3- تقول في قصيدتك (زهرة النرجس) و انـسـى اغـتـرابـي بــيـن لــنـدن و بـرلـيـن و انـسـى الـزمـان الـلــي يـشـيـن و يـزيـنــي 4-هل الغربة بوجهة نظر سعد هي غربة الوطن فقط اي غربة المكان؟؟؟ الاغتراب بنظرتي بين شيئين = الموطن و قلب الحبيب الرزيني و اصعب حياه ليا فقدت المكانين = تعاف نفسي ما بقى من سنيني |
رد: احساسك الشعري في ورطة},,,)سعد النفج),,,
ارحب اخوي سعد صراحه انا معجب في شعرك وفي مفرداتك الجميله
شهاده اعتز بها اخوي مشهور و شكرا لك على هذا النقاء .. 1 عطني بيوت(ن) بالظبي لا طرالي يفز قلبي واونس الضيق بحشاي لو كنت انا ماخاف لوم الرجالي لبسط على رمض الثراء كف يمناي هاك البيوت النادرات الجـزالي .......................... دامك طلبت الراي و استقبل الراي العشق ضاعو به قروم العيالي .......................... ابســط يمينك كــان يعـجـبك مــبداي 2 ياذيب عطني حقنه(ن) للهواوي بيت دفين (ن) في معاني فريده وش ينفع اللي ساهراً بالمناوي دامن سلمه جمده بالجليده والله لو ينفع بحبي رشاوي لا اسرق من اوباما وخلص رصيده يالقرم ما للجرح هذا مداوي ........................ دام الهواوي قـام ينزف وريده واذا لقيت الفاهم اللي يداوي ....................... اللي عــلاج اهل المحــبه يجـيده وكّد عناوينه وخذني مخاوي ................. و نسلم من ظروف الليال العنيده 3 كم جتك من ارياح ياضلع عرنان ماطيحت عزمك وباقي محلك من يوم ماجريت صوتي الى الان وهمي مثل من جاك يبغاء يتلك إثبت مثل عرنان لو كان ماكان .................. خلك قوي عزوم مهما حصلك يا بوهويدي للصبر قيمه و شان ................. و على الطريق الزين لازم يدلك ودمت بخير يالغالي |
رد: احساسك الشعري في ورطة},,,)سعد النفج),,,
بكل تاكيد حوار سيكون شيق
مع اخي سعد النفج وبجد تعجبني كلماته شكرا لك اختي بروق الشمال .. تشرفت بكلماتك الراقيه و انتي بلاشك شاعره مميزه .. يابو نفج وش حال الاشواق قلي لامن غدت روحي بالحلام تتليه لاهو بسط كفه ولا وصل حلي ولاهو ترك دربي ولا عاد برجيه يا بروق من ياخذ هواك بتسلّي ................. يفرق عن اللي قابض الشوق بيديه حــذاري دمــوعك لعــينه تهلّي ................. يا بـروق طيـعـيني من الـيــوم خليه نقول من هو خذا عقل ابن الاجواد كله ومنهو روى في روحه الشوق واضماه عـقـله خــذاه اللي تـزيّن بحــله ............... صغير و مدلع عسى الرب يرعاه اعترف كم يوم هلت دمعتك وانت ساهي من يوم مابعض الملا حل طاريه اكذب عليك ان قلت ناسي و لاهي .............. دمــوع عيني كل لحــظه تــناديه نبعد عن الغلا وجوه هات في كرتك مواعيد الزياره واعترف من قبل تحديد المصير كم من الترفات ماخذتن صداره وكم من الترفات تختال وتسير مانبي اسمن ولا نبغي اشاره بس تذكر بالعدد لهن وتشير ابشري لو ان بالقصه إثاره ............. و الجواب بكل حالاته عسير ما خذا قلبي و لافاز بجداره ............ غيرها و لا يخــاشرها خشير شكل سعد بيحذفني من اقرب شباك حظ اوفر لي عوده لا و لو ليه أحذفك ؟ شكرا لك بحجم الكون و بانتظار عودتك .. |
| الساعة الآن (02:22 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه