ماطارت طيور السماء أجواز وأفراد=وماشعّ نور الشمس من شرق بادي
من العايدين اقولها لاهل الامجاد=على الجميع الله يعيد العيادي
على الوطن كلّه عسى العيد ينعاد=وتعانِق الفرحه ربُوع البلادي
وعلى مليكي سيّدي سيد الاسياد= العاهل الشهم الشجاع القيادي
عسى الله يشافيه من سقم الأجساد=ويزول باسه والعناء والنكادي
وولي عهده ساعده عوق الاضداد=عونه لياجاء بالزمان إشتدادي
والنايب الثاني معه عنه ماحاد=يافزعته لاقام باسمه ينادي
وسلمان له وقفات كل ٍ بها شاد=الحمد لله يوم للدارعادي
وكل الملوك اللي لنا درع وسناد=والشعب كله حضرها والبوادي
لعل باحسن حال للعيد عوّاد=والأمن سايد والرخاء بزديادي
وللعيد ميزه غير عن كل الأعياد= وبعض العرب يحسبه شي إعتيادي
العيد يوم أفراح وإبهاج وإسعاد= ماهو بيوم يمرّ ويفوت عادي
ولاهو بكشخة لبس وأكل ٍ من الزّاد=ولاهو ماغير مصافحه بالأيادي
العيد نبذ ٍ للتباغض والاحقاد= وتبييّض لقلوب ٍ غشاها السوادي
وللعيد فرحه للصغارمن الاولاد=به يلبسون من الثياب الجدادي
ولاجل التواصل بين الآبناء والاحفاد=نقطع مسافات الديار البعادي
وإذا إلتقاء حيّين آلآبا والاجداد=زاد الترابط والتلاحم وكادي
وإن حصلت الجمعاء على غيرميعاد=هذي حلات العيد حسب إعتقادي
عسى الرفق ماينقطع بين الاجواد=وحبل الموده متصل بإمتدادي
عيّد بلا تبذير وإسراف وإفساد= حسب الشريعه والقيَم والمبادي

المشاركة الأصلية كتبت بواسطة مشهور الرشدان (المشاركة 322132) وإن حصلت الجمعاء على غيرميعاد هذي حلات العيد حسـب إعتقـادي عسى الرفق ماينقطع بين الاجـواد وحبل المـوده متصـل بإمتـدادي عيّد بلا تبذير وإسـراف وإفسـاد حسب الشريعه والقيَـم والمبـادي درع عنزه صح لسانك وعتلا شانك احلى عيديه يامطنووخ

المشاركة الأصلية كتبت بواسطة سعد النفج (المشاركة 322197) الراقي / حمد الضوي الله الله لا أعلم ما هي الكلمات التي تليق بهذه الفاخره نص لا يكتبه إلا شاعر محنك و مبدع لا .. بل على قمة هرم الإبداع من أول نص صافحته لك قبل انضمامك لهذه الشبكة و أنا أعلم بأن حمد الضوي يس شاعراً عادياً بل مبدع و يروّض الحرف كيف يشاء و كل عام و أنت بصحه و عافية و اعذرني على هذا المرور المتواضع ..