°~*¤®§(§ شبـــكة ويــلان العـربـيـه §)§®¤*~ˆ° - الشعر وألحانه...............اتمنى تنال اعجابكم..

- منتدي الشعراء (http://www.weelan.com/vb/forumdisplay.php?f=8)

- - الشعر وألحانه...............اتمنى تنال اعجابكم.. (http://www.weelan.com/vb/showthread.php?t=20227)

الشعر وألحانه...............اتمنى تنال اعجابكم..

غنيت وابديت الشعروألحانه = طرقن جذبني واستوت قيفانه

طرقن على ماقيل طرق هلالي = وانادخلت الشعرمن بيبانه

اكتب وفكري له خيالن واسع = وابحر ولي مركب وانا ربانه

اقدم الجزله وانا راعيها = واجيب ياقوته قبل مرجانه

ماهو غرور الاثقه محموده = وفي هرجة الناقص ماهي بلشانه

اللي تظاهربالصداقه عندي = ودم القرابه ماأحترمه وخانه

انا احسبه وقت الشدايد صامل = واثره ضعيف وحالته تعبانه

اللي قصيدي يزعله ويغله = ماهو كفو للتضحيه من شانه

ياصار يحكي بي هنا وهنيا = والسر حتى ياعرب ماصانه

اللي مثل هذا مايمسك نفسه = عن الكلام الله يقص لسانه

وانا علشانه بأزيد ابداعي = والشعر وهبه والهجوس اركانه

من موهبه جاني واناقدرته = قدرن كبير وراجحن ميزانه

اعطيته اللي يستحق اعطيته = وسكنته بصدري وانا عنوانه

أليا كتبت اكتب واثير اعجابه = ومعزوفتي دايم معي سهرانه

اتعب ليامني نويت اكتبها = وقدامي الجمهور في ميدانه

اما تجي قصيدتي مجنونه = اون شاعرها يزيد جنانه

حبيت اقدم من قصيدي لوحه = تأكيد لابداعي وهي برهانه

والمنتقد ماهو ابد ناقدها = وكانه زعل الله يزيد أحزانه

ماهو بلاقي لما تمنى فرصه = لأن القصيد مثبته سيسانه

غنيت وابديت الشعرواعجبني = طرقن جذبني واستوت قيفانه