°~*¤®§(§ شبـــكة ويــلان العـربـيـه §)§®¤*~ˆ° - اما نكون ليا حكينا سلاطين .. والا ..........

- منتدي الشعراء (http://www.weelan.com/vb/forumdisplay.php?f=8)

- - اما نكون ليا حكينا سلاطين .. والا .......... (http://www.weelan.com/vb/showthread.php?t=20157)

اما نكون ليا حكينا سلاطين .. والا ..........

كل عام والامة الاسلامية بخير .. وتقبلوا بوحي كما أتى

تسمح جميع الأنظمه والقوانين=من دون شعري ما تعقل ركابه

اما نكون ليا حكينا سلاطين=ولا التراب اولى يجمع ترابه

يا مرجح عقول البشر بالموازين=شاعر فحل واملك فنون الخطابه

وحروف شعري من سيوف وسكاكين=بالمحتفل والا نهار الحرابه

ياما غرست بروض فكري بساتين=وانا الثمر ينباع ماخذ حسابه

بعيويني انس وفي خفوقي مجانين=وانا سليل المرجله والذرابه

يعني صلاح وجيت احرر فلسطين=ماهي بروق ولارعود وسحابه

ياهل الصحابه والقلم والعناوين=اسهل سؤال اللي تركتوا جوابه

اعظم هل التوحيد والا هل الصين ؟=والا الحضاره غيرت وجه طابه

والا تلاعب بالسياسه على الدين=والا الزمان ودورته وانقلابه

والا الحقايق همشوها مهمين=والا غدا شرع الدول شرع غابه

والاغدينا كلبونا مساجين=والا اختلف وجه النظر والتشابه

والا أمةٍ صارت ضعوف ومساكين=والا دمار عقول ما ينحكابه

والاضياع امه على لسان مفتين=والا عشقنا لطرب والدعابه

والامولفت القصص والدواوين=ولا عاد نسمع غير نبح الكلابه

والا الدلع فطر قلوب البعارين=كبر الجحش ويقول مامه وبابه

والا انحطاط بكل معنى وتمكين=ولا عاد يوجد بالخليقه رتابه

و الا اسئله تطرح ولا به مجيبين=كم من سؤالٍ مالقينا جوابه

الله يا غزوة بدر قبل حطين=والله يا صورة حياة الصحابه

درستها يوم المدراس من الطين=وحبيتها حب الشهيد لصوابه