ماجيت ابكسب شي واندم على شي=ولاجيت ادور ربح والا خساره
جيتك وانا في داخلي هاجسٍ حي=منك استفاق وقام بعد احتضارة
جيت انشد الايام كيف اشتعل ضي=ليلٍ يهدك طال في انتضاره
توك عرفت ان الجفا واقعه كي=وتوه كواك الهم واوجست نارة
يانا نصحتك للأسف وانت بك غي=تحسب جفا منهو يودك شطاره
واقفيت عنك وحرقتي ساكنه بي=واليوم جا دورك تذوق المراره
يوم تركوك الناس وش رجعك لي=ماني ترى في وسط دربك اشاره
ارجع ترى دربٍ لفابك يردي=لاتحسب اني شخص فاقد وقاره
واجمع شتاتك كان باقي بك شوي=وانسى يباس الشوق وانسى خضاره
واللي حرق قلبك وخلى الوضع سي=بكره يجي يوم وتشوف انكساره
مني تعلم وان مشى قول ياوي=واليا لمحته قلل من اعتباره
واليا رجع زي مارجع حظرتك عي=وقله مثل ماقلتلك واختصاره
انا اعتبرتك شي واثرك ولا شي=وانا اعتبرتك ربح واثرك خساره

الشاعر القدير / على بن فرحان الخمشي


صح السانك مدد بلا عدد على هذا النص الشامخ

فعلاً انت شآعر تجيد حبك القوآفي .. بإتقآن
عندمآ تكتب لاتكتب إلا ماهو كبير ورائع مثلك..
قلم مميز يكتب بـِ مداد الروح
أعشق الحروف حين تنبع من القلب
اخي
كثيرون من يتقنون زج الكلمات على عاتق السطور
ولكن
قليلون من يجيدون تنميق الحروف بـِ أبداع
صح كُلك على هذه القصيدة الرائعه
يآآآآ
رآآآئع
أغدق علينا المزيد من وآبل قلمك
فنحن بأنتظار نصوصك القادمه بكل شغف ..

الشاعر القدير

على بن فرحان الخمشي

صح لسااانك ..ولاهنت

حضور رائع ومميز

دمت بكل خير ودام هذا التميز