ياليت يوم الله رزقني بهاني=ماجاك ياقلبي خبر موت راكان

يا ابوك فرحي ضاع مني بثواني=اعذرني اللي راح من ضمن الاخوان

هذا ولد عمي بحسبة اخواني=عليه من رب السماوات غفران

عجل عليه الوقت والهم جاني=لكن عسى قبره رياحين وجنان

ماجور ياعمي وهالعمر فاني=عسى الله ايصبرك وايزيل الاحزان

وأرسل تعازي القلب لك يابن ثاني=والحمد للي في يده عمر الانسان

اصبر يابو بندر وحكم الزماني=جاري عل كل آدمي وين ماكان

ياخوك مابه شك موته كواني=وأصبر النفس ونزل دمع الاعيان

الدمع في راكان هل وعصاني=يارب صبرني عسى الصبر سلوان

واليوم ما ابغابك ياهاني تهاني=دامي فقدتك يابن عمي ياراكان