ناض الضمير
بعد الدعابه الكيبورديه أول الصباح في الألعاب اتت هذه الكيبورديه الثانيه ...... ويظهر ان المواصل يحرك الفكر كثيراً ((يكثّر الكيبورديات .. ويوضّح وجهات النظر )) . . . علّها ترتقي لذائقتكم ناض الضمير اللي من العام مكلوم=هاض وتفجر وانبعث من مخافه درّج على عوجٍ هواهن بزيزوم=فتّت حياهن واسود الثوب عافه سبة .. رجا .. اضحى طليقٍ بلا لوم=الحلم كايد لو يقولوا خرافه الله يلوم اللي يلومه على الدوم=من عاش بالذله حياته كلافه يمنى الشجيع ان وافقت حفنة رخوم=تمسي هوان وتشتكي ألف آفه بعض السكوت يحطك بخانة البوم=لو كنت طيب ساسك من العرافه الصبر جنه لكن الفعل معلوم=يبقى رصيدٍ للذي غصب حافه قم يا ضميري واحفظ العهد مبروم=لا .. لا تجامل ..عفنٍ .. القلب .. شافه لا عاد تكسر بالرفق شخص وتسوم=ماترفعك قولة مخاوي لتافه انا نديمٍ للعلا حرٍ احوم=اشيم عن دنس النوايا وقرافه مليت قول الحكي فضه ومذموم=واصبر واصابر واتغيشم واسافه واقول ياليت الحكي صف مردوم=والا المحاجر مثل عنق الزرافه وان المخابي تجمع اطياب ورموم=حتى الذهب .. صَفوه .. يعاني شفافه ناسي وغادي والفكر ومضه غيوم=بامر الولي لا جاك فاض بضفافه منه ذكرت السلة اللي بها الكوم=تفاحها أخضر ولا من نظافه تمسي خمج والدود يبني بها رجوم=عقب الغلا تنفى و يرجى ذلافه هذي الحقيقه والعمر فوح قمقوم=زل التجارب وانتهى من جفافه لا ..لا تجامل يا ضميري من اليوم=صَفّ الذهب من عتمةٍ في خلافه وناض الضمير اللي من العام مكلوم=هاض وتفجر وانبعث من مخافه درّج على عوجٍ هواهن بزيزوم=فتّت حياهن واسود الثوب عافه سبة .. رجا .. اضحى طليقٍ بلا لوم=الحلم كايد لو يقولوا خرافه وســـــــــلااااااااااااااامــتــكـم وآآآسف لأني نزلت النص بسرعه لكن عشق الكيبورديات .. ولأنها تستحق النزول ها هنا بنظري فهي تحاكيني .. قمت بذلك ودمتم |
رد: ناض الضمير
الاخ
جائز المليحاان سلمت وسلم قلبك وصح كلك0 كُن بخير |
رد: ناض الضمير
اخوي جائز المليحان،،
صح لسانك وسلم نبضك وبنانك وإعتلا شأنك على هالقصيدة الرائعة .. كم نحن بحاجه لهذة الابيات بقوة معانيها .. بالفعل أنت منبع الابداع فكلماتك من أروع ما قرأت .. لك اطيب التحاياااا ،،،،،،،،،،،،،،،،،،،،،،،،،،،،،،،،،،،،،،،،،،،،، |
. . الله الله الله يا بواحمد .. رائعة من روائع الشعر وهنا أنتَ مختلف جدا ..!!! ماشاء الله تبارك الله قصيدة إستلت الروح وتركت أريج الحكمة ليفوح في الارجاء أبيات فاخرة تعانق السحاب جزالةً وابداعاً يصح لسانك وبوحك وفكرك ملايين الله لا يهيينك ويبيض وجهك على امتاعنا بهذه الدرة تقديري هيــــااااا |
رد: ناض الضمير
صح لسانك ياجائز
لي ملاحظه هنا وترددت في كتابتها ولكن حتى لاتقول .... لاتعجبني ابدا الايحاءات التي اوردتها في القصيده واكدتها في المقدمه والنهائيه !!!!!! وترى المجامله شيء اساسي حتى لاتكون منبوذ في المجتمع آسف جدا لهذا الخروج |
رد: ناض الضمير
استااااذي القدير ابو احمد
اقل شي اقوله لك صح لسااااااااانك مليون ولايكفون صح فكرك صح قلبك صح نبضك دمت بحمى الرحمن اينما كنت |
رد: ناض الضمير
صح لسانك ملايين
تحيااااتي لك وللكمبيورديه اللتي امامي تحياااتي لمقام سموكم الكريم اخووووك فهد السلقااااوي اسمحلي ان اقيم الموضوع |
الساعة الآن (10:46 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه