مجاراة عادل العايش لشاعر فهد خلف الشمري ..
 

http://www.brzan.net/images/besmella.gif

أحبتي جارية قصيدة لشاعر فهد خلف الشمري بعنوان (صاح صوتي ياعتيبه) بهذه الأبيات المتواضعة وماشدني لمجاراته قوة قصيدته وجزالتها وما تحتويها من درر أترككم معها ..




كفو كفو يافهد ياشاعـر النظـم الجزيـل
دايم وجزله يمينك يافهـد ماهـي غريبـه...



دايم وهرجـك محلـه لا وربـي مايميـل
يسلم لسانك وكفٍ لعذب المعنـى صويبـه...



كيف لا وأنته سليل الطيب والسيف الصقيل
كيف لا وأنته سليل العز وأمجـادٍ وهيبـه...



كيف لا وأنتم شمـوخٍ دام تاريـخٍ طويـل
دام في عز ومعزه دام فـي قـدرٍ وطيبـه...



السناعيس الطنايا لرتفع صـوت العويـل
يخسر اللي له نوا ويفوز منهـو يلتجيبـه...



السناعيس الطنايـا ماتعـرف المستحيـل
لو يعيش المجد فوق طويق ترقاه وتجيبـه...



الطنايا مدهل الضيفـان مزبـان الدخيـل
والله أنه مايخيب اللـي نصاهـا يعتزيبـه...



شمر بوقت الملاقـا أشهـد بـربٍ جليـل
كنها ناراً تلضـى هبـت وثـارت لهيبـه...



لا قسم بالله ربي مايبـي لهرجـي دليـل
يافهد يكفيك من شمـر وخوالـك عتيبـه...



وأنا أبن وايل بقول بقول ماهو بأي قيـل
بختصرها في شطر هالبيت وأفهم يالبيبـه...



مالي بكثر الكلام وخيـرة الهـرج القليـل
والله ان أصغر بني شمر يساوي له كتيبه...






وسلامتكمـ

عادل العايشـ

رد: مجاراة عادل العايش لشاعر فهد خلف الشمري ..
 

صدى رائع لصوت شاعر رائع كذلك

لله درك اخي عادل العايش

وصح نبضك ما حييت

وابو خلف فهد الشمري من الشعراء المميزين

في الختام
صح لسانك ماحييت

ومايشوش للطيب الا الطيب يالامير

اخوك ابو احمد

رد: مجاراة عادل العايش لشاعر فهد خلف الشمري ..
 

عادل العايش

صح لسانك على هذه المجاره الجزله والنعم في السناعيس ويستاهلون اكثر

رد: مجاراة عادل العايش لشاعر فهد خلف الشمري ..
 

مجاراه ابدعت بها ياعادل والطنايا يستاهلون ماذكرت

صح لسانك ياعادل

رد: مجاراة عادل العايش لشاعر فهد خلف الشمري ..
 

الغاالي

عادل العايش

صح لساانك ولاهنت

مجاراة جزلة

بيض الله وجهك

دمت بكل خير