°~*¤®§(§ شبـــكة ويــلان العـربـيـه §)§®¤*~ˆ°

- منتدي الشعراء (http://www.weelan.com/vb/forumdisplay.php?f=8)

- - [ أوطى من الشفره على القاع : ] (http://www.weelan.com/vb/showthread.php?t=19461)

[ أوطى من الشفره على القاع : ]

ويطيح من عين ... الهقاوي كثيرين !
.................. وأقول ... ياعيني ... تراها هقاوي !

ماغيرت نظره ... ولاكحلت ... عين !
.................. و لاريحت بال الغريب ... الشقاوي !

يكفي عرفتيهم ... و صرتي تشوفين !
.................. ناسٍ تحسب الطيب ضحك وحكاوي !

لاتغورق دموعك ... و لا تستضيقين !
.................. النعم كايد ... والسوالف .. مناوي !

واللي يقول ان المواقف ... براهين !
.................. وانه حكاية طيب .. من دون راوي !

وش هي مواقيفه ?

او اقول ..

تدرين !

مايستوى طير الرخم ... والنداوي !

كانه ... يبي منك تجين .. وتهلين !
.................. دمعك ... ويقرا في دموعك رجاوي !

يبطي ويدري عن ترجيه ... تبطين !
.................. لو أخسر عيوني / بـ دربٍ خلاوي !

منتي نظر منهو ضعيّف ومسكين !
.................. ولنتي عيون اللي من العز / خاوي !

لدي شبوحك لـ السما .. لاتلدين !
.................. يم الغوا اللي يتبعه .. كل .. غاوي !

اوطى من الشفره على القاع / شخصين :
.................. بخيل جاه ... وشاطراً بـ الدعاوي !

تسمع سوالفهم / سوالف سلاطين !
.................. وأفعالهم ... طخ البنادق / سماوي !

مثل النخل / ظله يظلل لـ الأقصين َ!
.................. والا القريّب تحت شمسه .. يلاوي !

هذا الصحيح اللي عرفتيه / ياعين !
.................. يابعد مابين ( العزا ) و ( العزاوي ) !