°~*¤®§(§ شبـــكة ويــلان العـربـيـه §)§®¤*~ˆ° - ما اشفق على دق الوتر والمواويل

- منتدي الشعراء (http://www.weelan.com/vb/forumdisplay.php?f=8)

- - ما اشفق على دق الوتر والمواويل (http://www.weelan.com/vb/showthread.php?t=19277)

ما اشفق على دق الوتر والمواويل

ما اشفق على دق الوتر والمواويل=لو كان تطرب له جموعٍ غفيره
اشفق على الفنجال..والبن...والهيل=وسوالفٍ تجمع وجيهٍ سفيره
لا لقمت من كف ذيب الرجاجيل=وحطت على جمرٍ تلاهب سعيره
في خايعٍ عله قدوم المقابيل=من قبل تغرب لين فج المنيره
اروى عطاش الارض .. والنبت..والسيل=ما غير تسمع يوم تقبل هديره
المهتوي ياقف على ساق ويخيل=ليله مضى واقف وعينه سهيره
حتى ضواه الصبح بقفاية الليل=والغيم زاد بجود ربي بريره
وفاح بطلوع النور عبق المحاصيل=عقب السنين القاسيه والمريره
تزخرف الارض بخضار وأكاليل=والعشب يملا الروض عاطر عبيره
اسج خالي لا كثيرٍ ولا قليل=مرتاح بال وراحةٍ في ضميره
املا الدقايق بالرجاء والتهاليل=واستغفر الله واسئله واستخيره
مبعد عن اهل الهرج والقال والقيل=وشي تبين في السنين الاخيره
تعاقب الايام جيلٍ بعد جيل=وتملا الفتن وجه الحياه القصيره
واليا طغى صوت الغنا والمواويل=وش عاد باقي للوجيه السفيره