بعد الغياب العفوي

يقولون ماشفناك في شاشـة التلفـاز=وانا أقول خايف من عيون الحسوديني
ولا يعتبر في شاشتـه لاطلعـت أنجـاز=مـع الوضـع هـاذا وانـقـلاب الموازيـنـي
ولاكل من يطلع على شاشتـه ممتـاز=وعندي على قولي شهـود وبراهينـي
وسط ساحة الشعـار يـا مكثـر الألغـاز=وانـا نظرتـي مـن فضـل ربـي تقديـنـي
احد لأختبـارات الشعـر بالجـزل يأجتـاز=واحـد يعتلـي بالمـال كــل القوانيـنـي
وأحد تحت ظل الواسطه للفـرص نهـاز=ولو كان شعره خالف العقـل والدينـي
حركات جسمه تشبه الكرسي الهزاز=ولا ادري مرض ولا فعـول الشياطينـي
وهـاذي تراهـا حالـة الشـعـر بالأيـجـاز=عسـا الله يبـدل حــال الأيــام وتزيـنـي
وانـا مأنتظـرت النـاس تعطينـي الأيعـاز=عسا الله من فضله عن الناس يغنيني
وانـا للجزالـه مـع هـل الطايلـه منـحـاز=و(تشجيـع ذربيـن اليمـانـي يكفيـنـي)