العيد في قصر العرب صار عيدين=بفرحة بني عمي ضنى العز ويـــلان
عيال دهمش عقب الرجال السلاطين=اللي لهم في صفحة المجد عنوان
عوجان لامن الدهر انقلب شين=ريف الضعيف اللي عليه الدهر شان
عز الدخيل اللي شكى لوعة الدين=يثنون من دونه كما طويق والعان
رجال(ن) على كسب النوايف شياهين=زحول الرجال مطوعة كل شيطان
رجالهم لامن غدى العلم علمين=حلحيل فعله يرجح بكل ميزان
رجالهم له هيبة(ن) بالميادين=هيبة ملوك الارض في كل الاوطان
اخوان نورة مرجحين الموازين=عبدالله وسلطان نايف وسلمان
وصغيرهم اليا فزع يا العريبين=فعله فعل صاطي صميدع وسلطان
تاريخهم ملي الصحف والدواوين=نفخر بهم في كل محفل وميدان
واليوم فرحتنا تسوق المزايين=ساقت بيوت(ن) بالفرح جل وسمان
باسم امحددة الجمل بالعناوين=وسم(ن) يجملها ويرفع لها الشان
نعم(ن) بهم وبوايل الجد نعمين=ماهو قصور(ن) با القبايل وحقران
كل القبايل فيهم رجال وافين=والمعذرة ان كان با القاف نقصان
وصلاة ربي عد جمع المصلين=على النبي المصطفى اطهر انسان