°~*¤®§(§ شبـــكة ويــلان العـربـيـه §)§®¤*~ˆ°

عذرا عن الغياب ولكن هذه القصيده قدمت في حضور سعادة قائد قاعدة الملك فيصل الجوية اللواء الطيار الركن حمود بن فراج الشهري لتشريفه حفل تخرج دورات وكانت موافقة لرجوع صاحب السمو الملكي الامير سلطان بن عبدالعزيز سالما معافا الى ارض الوطن اترككم مع هذه الابيات المتواضعه علها ترقى لذائقتكم الشعرية الفذة ولكم مني جزيل الشكر.........

بديت باسم المعتلي كاشف البين# محيي هشيم الارض عقب انعدامه

سبحانه المعبود ناصر هل الدين#مرسل نبــيه لــلهدى والكـرامــه

باسرج خيول الفكر بجزل المضامين#بابيات شعر وبصمتي به علامه

بتشريف قايدنا زبون المضامين# اكبر فخر في جــيتـه واهـتـمامــه

بحضوركم مليون مرحب وسهلين# ياممتهن درب الكرم والشهامه

يالقايد اللي كلمته مابها اثنين # لاقــال طــال الــلي عنــا في كلامـــه

وحنا نعيش بفرحنا اليوم فرحين # من اقصى الشمال الين نجد وتهامه

بجية عريب الساس طلق الحجاجين# سلطان سلطان الفخر والزعامه

العيد بحضوره لنا صار عيدين # برجـعة ســـموه للوطن بالســلامـه

كل عام وهو بخير امين وامين # اللي غرس وسط القلوب احترامه

والا الوفا له جاري بالشرايين# ولايبلغ الشــاعر بمدحه مــرامه

لانه سليل المجد نسل السلاطين # مزبون منهو حادي الوقت ضامه

ماسح دموع اهلا اليتامى المساكين# مداة كفه مثل وبل الغمامه

الطيب ماهو شي عنده ولاشين # الطيب هو ساسه بعد هو سنامه

الله يمد بعمره سنين وسنين # والله يديـمه عز ويعلـي مقــامـه

والشرذمه اهل العقول المضلين# منبع هل الافساد واصل الرخامه

اللي على اوكار المذله مقيمين # شربت من اكواب المرارة ندامه

شافو الهلاك بعينهم بالميادين # ونسفت رقاب وبان فيه انهزامه

ذدنا عن حياض الوطين يامعادين # تبطي ولا تاصل حدود الكرامه