من أنت .. تعال وشاركنا
بسم الله الرحمن الرحيم
واسعد الله اوقاتكم بالخير والمسرات اما بعد فهنا وفي هذه الزاوية تحديدا ... يكون لنا مع التعريف بأنفسنا وقفه هنا .. أنت من يخبرنا .. من أنت .. ونحن سنكتفي بالانصات والقراءه هنا .. نعلم توجهاتك .. ورؤيتك .. لكل ماتريد أن تبوح به في هذا المنتدى هنا .. مساحة حره لك .. نسأل وتجيب .. وتضيف .. ونجيب وهكذا في المقام الاخير .. هنا .. فرصة لنتعارف أكثر .. ويفهم كل طرف منا الطرف الآخر ..... الاسئلة الابتدائية لنعلم .. من أنت .. هي : عرّفنا على بطاقتك الشخصيه : -اسمك ؟ -عـــمرك ؟ -مؤهلك التعـليمي ؟ -عـملك ؟ -الحـالة الإجـتماعـية ؟ -هوايآتك ؟ -سلبيآتك ؟ -ايجابيآتك . . . -ما رأيك بالمنتدى على وجه العموم ؟ وقسم العام على وجه الخصوص ؟ -مالذي ينقص منتدى .. اختر اي قسم .. برأيك .. ويجب تداركه ؟ -ما هي ايجابيات المنتدى بنظرك ؟ -متى دخلت المنتدى ؟ ولما ؟ ومتى ستغادر ؟ -.. أسئلة كنت تتمنى أن تطرح لك .. وأجب عليها .. -كلمة أخيرة لك . . . * بانتظار تفاعلكم ومعرفتكم عن كثب .. فلا تبخلوا علينا اخوكم ابو غرام |
رد: من أنت .. تعال وشاركنا
عرّفنا على بطاقتك الشخصيه : -اسمك ؟ -- هندي المقبل -عـــمرك ؟ -- هذا السوال محرج في السابق كان للنساء فقط والان حتى للرجال !! تدري عمري 29 -مؤهلك التعـليمي ؟ -- بكالوريوس في علوم الحاسب -عـملك ؟ -- مدرس حاسب آلي -الحـالة الإجـتماعـية ؟ -- متزوج ولله الحمد ولدي ولد اسمه (سيف) -هوايآتك ؟ -- السفر - البرمجه -الانترنت -سلبيآتك ؟ -- ياخي مافيني سلبيات ليه الفضائح (مستحيل اعلم) -ايجابيآتك -- ياكثرها لن يسع موضوعك لذكرها لذلك ماني قايلها -ما رأيك بالمنتدى على وجه العموم ؟ وقسم العام على وجه الخصوص ؟ -- اهاا ... المنتدى رائي فيه انه جيد لكن وان شاء الله تزول السلبيات الموجوده اما العام فيكفيه فخرا انك مشرفا عليه واتنبى له مستقبل افضل -مالذي ينقص منتدى .. اختر اي قسم .. برأيك .. ويجب تداركه ؟ -- قسم المرئيات والصوتيات الشعريه مفروض يكون انشط قسم وللأسف هو اقل الاقسام تفاعل ولاينقصه الا مشرف نشيط وعنده افكار حلوه -ما هي ايجابيات المنتدى بنظرك ؟ -- ترابط الاعضاء فيما بينهم -متى دخلت المنتدى ؟ ولما ؟ ومتى ستغادر ؟ --دخلته قبل يفتتح ! وسوف اغادر حينما ارى اني لا استطيع ان اقدم شيء او ان ما اقدمه لايفيد احد -.. أسئلة كنت تتمنى أن تطرح لك .. وأجب عليها .. -- تبني ازيد الحمل لا يابو غرام ماقصرت كفيت ووفيت -كلمة أخيرة لك شكرا لك على هذا الموضوع وشكرا لك على هذا التفاعل الجيد ودي وتقديري لك |
رد: من أنت .. تعال وشاركنا
ياهلا والله يابو سيف
مرور اتى في محله وسعدت بقرائته .. لك من اخيك كل ود وتقدير وبنتظار تفاعل بقية الاعضاء واللي يخاف من سؤال معين ... لا يجاوب عليه ^_^ .. |
رد: من أنت .. تعال وشاركنا
والله ياجائز موضوعك كله شكله يخوف !!!!
مدري وش اللي يخوف فيه بس شفت اكثر من 30 مشاهده ورد واحد بس والرد من ابو سيف لانه ظامن ولاهو خايف من احد ههههههههههه والباقين ليه والا كلهم مثلي !!! بعد تصريحك انه ممكن تجاوز بعض الاسئلة ابي اجاوب ------------------------------------------------------- -اسمك ؟ ايه هذا السوال اللي انا ابي اشطفه وش تبي احلى من هالاسم " عاشق المعالي" -عـــمرك ؟ لاتعلم احد 27 سنه -مؤهلك التعـليمي ؟ والله البشله ... شوف انا والله ناوي اكمل الجامعه مافهيا كلام ولاتقول الا اني اخذتها بس هالحين معي ثانويه عامه (علمي)<<< لاتنسى علمي -عـملك ؟ اممممم .. في خدمة الوطن جندي من جنوده <<<< يزينها -الحـالة الإجـتماعـية ؟ على باب الله يعني عزابي -هوايآتك ؟ جمع الطوابع وركوب الخيل - والسباحه <<< اخر وحده صح والباقي تجميل للأجابه -سلبيآتك ؟ من جد سلبيه مزعجتني يفهموني الناس غلط هعهعهع -ايجابيآتك مافي في قلب حقد والا في قلبي على لساني -ما رأيك بالمنتدى على وجه العموم ؟ وقسم العام على وجه الخصوص ؟ والله المنتدى منور بأهله وجميل مره الله يديم هالتميز اما العام بشكل خاص اقول لك رائيي فيه بعدين لاني لوقلت لك رائي الان راح تزعل ويمكن تسعى لدى الاداره علشان يوقفوني !! -مالذي ينقص منتدى .. اختر اي قسم .. برأيك .. ويجب تداركه ؟ المنتدى العام ينقصه النشاط والفعاليات. -ما هي ايجابيات المنتدى بنظرك ؟ ارى انه مجتمع نخبه كما هو شعاره -متى دخلت المنتدى ؟ ولما ؟ ومتى ستغادر ؟ والله مدري خلني شوف تاريخ تسجيلي بس تراني متابع قبل اسجل بسنه -.. أسئلة كنت تتمنى أن تطرح لك .. وأجب عليها .. مافيش -كلمة أخيرة لك ارفع القبعه لك <<< والله رفعتها صدق وتراني لابس قبعه بس نوع غير اكيد فاهم تحياتي |
رد: من أنت .. تعال وشاركنا
ههههههههههههههه
الله يسعدك ياعشيري على هالاجابات ونحن هنا نأخذ منك ونتعلم المهم ... لاتخاف كتير كتير ياخيوووهـ ترى هنا مافيه جزاءات ^_* .... سعدت بقراءتك ولكم اتمنى ان اراك مجداا بعد زمن تكون وقتها اطلق رقيب سريه ويكون وقتها اطلق قسم قسم المنتدى العام ^_^ شاكر ومقدر لك على الدوام تواجدك ومرورك اخوك ابو غرام |
رد: من أنت .. تعال وشاركنا
اقتباس:
مواضيعك غاية في الروعة دائماً عندما أقرأ أتصفح الاقسام وأجد موضوعاً جديداً انت كاتبه انجذب إليه وأتلهف لقراءته دام مداد قلمك ودامت عافيتك |
رد: من أنت .. تعال وشاركنا
ابو شجاع
ثق تمام الثقه ان ماذكرته وسام أعتز به وأفخر ولكن هذا لا يكفي يا عشيري تعااااااااااااال هنا .... نبيك طال عمرك ... تشرّفنا بحضورك وتجاوب على الاسئله أما مجرد المرور .. فأنت غير مسموح به كثير من المتابعين لقلم ابو شجاع أفلا يحق لهم .. معرفة أبو شجاع عن كثب ؟ أتمنى بعد قراءة الرد ... أن نرى منك الرد الأجمل ومرحبا بك على الدوام |
| الساعة الآن (06:38 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه