°~*¤®§(§ شبـــكة ويــلان العـربـيـه §)§®¤*~ˆ° - على قدر قدرك تساق الفناجيل ::::::: وعلى قدر عزك تجيك التحايا

- منتدي الشعراء (http://www.weelan.com/vb/forumdisplay.php?f=8)

على قدر قدرك تساق الفناجيل ::::::: وعلى قدر عزك تجيك التحايا

بسم الله الرحمن الرحيم
السلام عليكم ورحمة الله وبركاته

::اتمنى ان تنال ولو قليل من رضاكم::

على قدر قدرك تساق الفناجيل=وعلى قدر عزك تجيك التحايا
والوقت يكشف لك وجيه الرجاجيل=وبعض الوجيه تبين فيها النوايا
والتجربه احيان لو هدت الحيل=اخير من جهلٍ بكل الخفايا
رجلٍ على ماقيل يستاهل الهيل=محشوم خلقه من جزيل العطايا
منزهٍ نفسه عن القال والقيل=وله سيرةٍ عطره وطيب سجايا
له قيمةٍ بين الرجال المشاكيل=ولا داج حول المهزله والدنايا
ذكره مابين الناس عالي كما سهيل=مكمله ربي بكل المزايا
ورجل على ماقيل ضمن المهابيل=وزودٍ على هباله كثير الخطايا
ماله مع اهل الطيب قدرٍ ولا كيل=وبضاعته بين العرب بالحكايا
يهب ياوجهٍ سواده كما الليل=يهب ياوجه الردى والوشايا
وانا منايه كل ماسرجت لي خيل=ان الاوادم تتعض بالوصايا
خلك وفي مع الرجال الحلاحيل=ترى الوفاء تاجٍ بروس البرايا
وابعد عن اهل الكذب والقول والميل=لاتغرك الضحكه وبيض الثنايا
هذا الزمن فاني وجيل ورى جيل=والطيب يبقى بعد سهم المنايا
اللي بغاها قدمه البن والهيل=ومن لابغا قدمه بحورٍ ملايا

أبو عزه الركــــابي