ارجوك بعض المشاعـر لاتهزهزهـا=ترى المشاعـر تألـم عنـد راعيهـا
وترى النفوس العزاز الهـا حواجزهـا=وحواجز النفس ستر (ن ) من خوافيهـا
لا تقول لك كلمة (ن) تحسبك تحرزها=وتطيح لاقمـت منهـا منـت قاويهـا
وان قلت لك كلمة (ن) حاول تركزهـا=ولا ترى الصمت خير (ن) من حكاويها
ودعواك لاصار مـا تقـدر تنجزهـا=ازبن على واحد (ن) ساعـه وينهيهـا
ولا تجود علـى صبـر (ن)يعجزهـا=وتجيك في وسط بيتـك مـا تناديهـا
وكم واحد(ن) حاجتها بالصدر يكنزهـا=من قـل مـن يستمعلـه يـوم يبديهـا
يخشى مـن اللـي يهمزهـا يلمزهـا=يضحك بعض ناس لاكن ناس يبكيهـا
وشكواك لابن الردي حذر(ن) تعنزهـا=يفضحك وتروح فيها وانـت كاميهـا
وعليـك تكبـر ولا تقـدر تميـزهـا=وتضيع في طوشة(ن) تبلـش بتاليهـا
والسالفـه يقـدر الـواحـد يلفـزهـا=ويقدر على ناس مـن شكلـه يمشيهـا
ولاتشغلك حرمة(ن) منـت متجوزهـا=تطرد وراها وغيـرك يهتنـي فيهـا
ولا يفرحك شوف الارنب لو تنقزهـا=مـادام مـا شفتهـا بالنـار شاويهـا
ولاتحسب (ن) الذهب باي يد(ن) يزهها=ترى الذهب مـا يغيـر لـون اياديهـا
والنفس حاول بحـد اقصـى تعززهـا=نفس(ن) بلا عزهـا مانـي مداريهـا
والنـاس لاتقـوم بعيونـك تخززهـا=احمد على العافيـه واسلـك مماشيهـا
ومن طاوع النفس تشقيـه بغرايزهـا=ومن طاوع العقل يسلم مـن بلاويهـا
والمرجلـه ماتحـب اللـي يهاوزهـا=تبي لهـا واحـد(ن) دايـم يحاضيهـا
واللي عيونـه مـع الظلمـا يغمزهـا=ماحد(ن) درى عن عيونه لـو يعنيهـا
ونفيستـك وانـت فانـي لاتغزغزهـا=المقبـره بأنتظـارك وانـت ناسيهـا
والنـاس دورات قادرهـا بعاجـزهـا=ماخلـق جنـه ونـار وزعـوا فيهـا
وناس(ن) مع الله وناس ابليس ناغزها=سبحان من ظل ناس ونـاس هاديهـا
وناس(ن) تعلـت وعلتهـا مراكزهـا=وناس(ن) تبي الطيب مير الطيب فاحيها
وناس(ن) تحفز ومعروف(ن) تحفزهـا=وناس(ن) تبي من يشيمهـا ويعطيهـا
وناس(ن) تلعوز وتسلم مـن تلعوزهـا=وناس(ن) مع اللعوزه تبطـي لياليهـا
وناس(ن) تبي نبز ناس وناس تنبزهـا=نابز ومنبـوز ليـن المـوت يفنيهـا
وناس(ن)عجز رزقها يكمل عوايزهـا=لاهـي فقـارا وهـي مالله مغنيـهـا
حتى العجايز تبي نـاس(ن) تهمزهـا=العافيـه والظنـا مـاهـو مكفيـهـا
وان قمت اعاند تفاكيـري وابارزهـا=اصارت حجاوي وانا مانـي محجيهـا

ارجوك بعض المشاعـر لاتهزهزهـا = ترى المشاعـر تألـم عنـد راعيهـا
وترى النفوس العزاز الهـا حواجزهـا = وحواجز النفس ستر (ن ) من خوافيهـا
لا تقول لك كلمة (ن) تحسبك تحرزها = وتطيح لاقمـت منهـا منـت قاويهـا
وان قلت لك كلمة (ن) حاول تركزهـا = ولا ترى الصمت خير (ن) من حكاويها
ودعواك لاصار مـا تقـدر تنجزهـا = ازبن على واحد (ن) ساعـه وينهيهـا
ولا تجود علـى صبـر (ن)يعجزهـا = وتجيك في وسط بيتـك مـا تناديهـا

المشاركة الأصلية كتبت بواسطة ابو غرام (المشاركة 288508) دائما ذا غايه اخي ابو احمد في كافة اختياراتك فصح لسان القائل والناقل المميز لك مني فائق الود والتحايا

المشاركة الأصلية كتبت بواسطة سليمان الجعفري (المشاركة 288510) ارجوك بعض المشاعـر لاتهزهزهـا = ترى المشاعـر تألـم عنـد راعيهـا وترى النفوس العزاز الهـا حواجزهـا = وحواجز النفس ستر (ن ) من خوافيهـا لا تقول لك كلمة (ن) تحسبك تحرزها = وتطيح لاقمـت منهـا منـت قاويهـا وان قلت لك كلمة (ن) حاول تركزهـا = ولا ترى الصمت خير (ن) من حكاويها ودعواك لاصار مـا تقـدر تنجزهـا = ازبن على واحد (ن) ساعـه وينهيهـا ولا تجود علـى صبـر (ن)يعجزهـا = وتجيك في وسط بيتـك مـا تناديهـا الله يعطيك الف عافيه يابو احمد على الاختيار المميز صح لسانك ولسان شاعرها .. لاهنت لك مني اجمل التحايا والاحترام