ياهاجسي لاتغيب الموعد الليله=بالثلث الاخير ولا لاانقضى نصه
موضوعنا مانبي العذال تدري له=حبلآ يودي العواذل بالحدب قصه
اببدع القاف من فرقاه واشيله=على لحن عيد بن مربح وبه غصه
اقفا ونص الضمير بخير داعي له=مايدري انه خذا من خافقي نصه
يحرم علي الهوى من بعد حبي له=لو تندمج بالحلا سلوى على حصه
والله لو انه رحل ملزوم ابوفي له=واطريه في كل قاف ولازم اخصه
وارسل مع الليل تقديري وشوقي له=واثبت له اني وفيت لتالي القصه
واستاذنه شاله الخمري بمنديله=كل ماطرالي هواه لصدري ارصه
واستاذنه خاتمه عندي وابااشيله=ولياطرالي هواه اذوب مع فصه
وياهاجسي لاتعوّود قافك الليله=بالمقبله فكنا من قاف ابو اصه

المشاركة الأصلية كتبت بواسطة جبار بن عابر (المشاركة 287537) واستاذنه شاله الخمـري بمنديلـه كل ماطرالي هواه لصدري ارصه يالليل الليل ياعنـــــــــــاد . عز الله انك مبدع ياسسسسلام عليك صح لسانك مـــــدد وماجور اخوي الكريم .

المشاركة الأصلية كتبت بواسطة احساس قلم (المشاركة 287545) يحرم علي الهوى من بعد حبي له لو تندمج بالحلا سلوى على حصه والله لو انه رحل ملزوم ابوفي لـه واطريه في كل قاف ولازم اخصه وارسل مع الليل تقديري وشوقي له واثبت له اني وفيت لتالي القصـه \\,, صح لسانكـ مدد بلا عدد تحية تقدير لكـ استاذي