يعني بعد ما شابت الحانا تجيز الاختلاط ؟ !!
 

السلام عليكم ورحمة الله وبركاته

يسعد الله اوقاتكم بالخير والسرور

وبدون مقدمه اسمحولي بهالمتواضعه






يا شيخ ياللي لحيتـه تاصـل محـاري سرتـه
يعني بعد ما شابـت الحانـا تجيـز الاختـلاط ؟

ما جزتها يوم ان ابـن دابـس مكبـس غترتـه
واليوم من تحت الشباب الشيب يسحب بالبساط !

من فرط بعرض امهـات النـاس فـرط بمرتـه
يوم الفتاوي اصبحت فوضـه ولعبـه واعتبـاط

مدري وش اللي صار بالماخوذ غير نظرتـه ؟ !
يارب سترك مـن زمـان العولمـه والانحطـاط

مدري وش اللي صار في صوته وغير نبرته ؟ !
والمسبحه صارت لعب والمرجله صارت اهيـاط

ماعاد نعرف وش يبي عجـزت أفكـك شفرتـه
يكتب بدون انقاط وبعض احيان يكتب بالنقـاط !

معاويه لوهـو حضـر يقـص حلمـه شعرتـه
يسيـل دم الجاريـه فـوق الكراسـي والبـلاط

يوم الشفق يسحر وتسحر كـل ناظـر حمرتـه
واليوم اشوف القاهره تضحك على ليـل الربـاط

حتى المطر ماهو مطر والقطـر ماهـي قطرتـه
وقوس القزح كنه على صحراء ضمى الدنيا سياط

وترى الرجل في ضحكته يا شيخ يدفـن عبرتـه
يعني على راي المثل ما يعني الضحـك انبسـاط

ليت الرجل يبقى رجل بالستـر يكسـب شهرتـه
والا ترى ثوب الستر لانشق مـا يفيـد الخيـاط

خالف وتعرف حيلـة المسكيـن وهـذي قدرتـه
يجمع نقاطه من كثير الهرج في سـوق النقـاط


منقووووووووووووووووووووووووول

رد: يعني بعد ما شابت الحانا تجيز الاختلاط ؟ !!
 

ابو عيد

احسنت وصح لسان شاعرها



تقبل تحياتي

رد: يعني بعد ما شابت الحانا تجيز الاختلاط ؟ !!
 

لاهنت على المرور المشرف
لك المحبه والتقدير