ياصاحبي مالك عليه مشاريه=
=ياصار في يمناك خربت بيتك
قلب (ن) سكنته ليه باالنار تكويه=
=ماهو كذا ياصاحبي ماهقيتك
ابكي على طيفك لياحل طاريه=
=لاتحسبني في غيابك نسيتك
قلبي حجر ماكل شي(ن) يبكيه =
=الا انت يوم اقفيت عني بكيتك
دمعي على خدي وانا احاول اخفيه=
=ليتك تقدر دمعة البعد ليتك
انا عطيتك كل قلبي بمافيه=
=واشوف نفسي ياالغلا ماعطيتك
من باعني بعته ولاني بشاريه=
=ياواحد(ن) عن كل غالـي شريتك
ياكثر ماتخطي ولا قلت لك ليه=
=ياكثر ماتبطي علي واحتريتك
ياكثر من يشكي من فراق غاليه=
=وانا تراني من عذابي شكيتك
غلا الشمال تقول في سكتك التيه=
=دامك سعودي ليتنني ماهويتك

المشاركة الأصلية كتبت بواسطة سعد النفج (المشاركة 281629) الرائع / بدر الخلاوي هديه و ما أروعها من هديه .. نص رائع و يحمل الكثير و الكثير من الإبداع .. غلا الشمال تقول في سكتك التيـه دامك سعودي ليتننـي ماهويتـك صح لسانك يا بدر .. مبدع و رائع و نطمع بالمزيد من ابداعاتك ..