فكرة الشاعر تجي في تصاويرٍ ابداع = غير ما يفعل ولا نصف ما خطت يديه
لو مشى الشاعر على خير ما خط اليراع = ما تبع نفسه على كل شيٍ تشتهيه
صعب تطبيق النصيحه وسهل الاستماع = بس وين القول والفعل والعقل النبيه
عذرنا ان العمر قدام والدنيا متاع = وان تذكر لحظة الموت يعقد حاجبيه
عارفين ان اخر الكسب خامه بالذراع = وقتها ما تغبط الخلق في كسب الجنيه
السعيد اللي جمع خير قدر المستطاع = ومن كسب مرضات واليه ورضى والديه
ومن تحده عزة النفس عن درب الضياع = ومن سجد لــ عسعس الليل واتعب ساعديه
ومن توجه كان له مقدره لطهر بقاع =ومن يساعد كل محتاج بالمال النزيه
قبل ما تاتي به الريح في عكس الشراع = واتًعثر خطوه الرجل بالدرب وتتيه
ياعظيم الملك يالمقتدر وامرك مطاع = رحمتك لــ ابيضت اوجيه واسودة وجيه
تايه في بحر الاحلام وايامه جياع =ولا حسب وش له مع الوقت والا وش عليه
شاعرٍ ويجيد الافكار لا خط اليراع = لكن انه ما فعل نصف ما خطة يديه

المشاركة الأصلية كتبت بواسطة عوض بن خميس (المشاركة 276901) المبدع صالح السالم صح لسانك وسلمت يمينك ولا فض فوك على هذة القصيدة الرائعة فلا غرابة منك الابداع فانت صالح السالم الشاعر الذى تلوى اعناق الحروف حتى تاتية صغارة لا تنثر الابداع استمتعنا بروعة حاضرك فلا تحرمنا من جديدك تقبل تحياتى ومروى

المشاركة الأصلية كتبت بواسطة طلال الايداء (المشاركة 276907) الله الله عليكـ اخووي نص رااقي نقي دمت هكذااا تقبل مروووري المتوااضع اخوكـ طــــــــلال الايـــــــــــداء