جلست في ركن الغياب و زارني شي ٍ غريب=مدري .. و لكن يا شقا الغربه علامي منطوي
أحاول اضحك و اتفاءل و اتأمل و استجيب=و قمت اتظاهر بالسعاده و انْ بعد قلبي قوي
حتى اكتشفت ان الحقيقه غير و الشي العجيب=اني جسد رغم اتزانه يا ضُعُف ما يحتوي
رحت اتجاهل لهفة الخاطر على الشي القريب=وانا اتحمّل عنوة اقدامي بدرب ٍ ملتوي
حتى لقيت السر في ذبح الغلا قبل الحبيب=و ان الغرام بلا مباديء ينكسر ثم يهوي
الحب يا زهرة بساتين الغلا ما هوب عيب=العيب احبك و انتي تضاهين بالحب السوي
ماهي محبه كل ما حسيت بحساس ٍ عصيب =القى غرورك و انكسر للجرح من ثم ارتوي
كل ما طلبتك ترحمين اللي من الدنيا صويب=زدتي جروحه و الزمن يلوي ذراعينه لوي
و انا رحلت و دونك ابغى اعيش بالدرب الصعيب=و اطوي صحايف عشقنا و ايام عشرتنا طوي
أصارع الرغبه و انا من طعنة الدنيا صويب=اكسر حواجز رغبتي و الذيب بالقلب يعوي
أصبر على جرح المشاعر و انحدارات النصيب= و امسك لساني حتى ما يسرد علومه و يغوي
سور المشاعر وش نوى غير المفارق و النحيب=وانا على ترنيمة العشاق جرح ٍ مستوي
ضاقت زوايا فرحتي و الضحكه بعيني تغيب=و الذكريات الموجعه تكوي معاليقي كوي
يا مستهين بقصة الأحباب و الدمع السكيب=لا و الله الا عشقها بالقلب تسمع له دوي
عندي سوالف لكن اخشى من خلف ابن الغريب=امساءلاته ما تراعي لا صحيب و لا خوي

الحب يا زهرة بساتين الغلا مـا هـوب عيـب
العيب احبك و انتي تضاهيـن بالحـب السـوي

مدري وش أقتبس منها كلها أبدااع من أولها لأخرها أرويت الذائقه الشعريه لله درك
.
.
.
تحياتي ..

ضاقت زوايا فرحتي و الضحكه بعينـي تغيـب
و الذكريات الموجعـه تكـوي معاليقـي كـوي
يا مستهين بقصـة الأحبـاب و الدمـع السكيـب
لا و الله الا عشقهـا بالقلـب تسمـع لــه دوي
عندي سوالف لكن اخشى من خلف ابن الغريـب
امساءلاته ما تراعـي لا صحيـب و لا خـوي

صـــــح لســـــــانك بعد الغياب الطويل أتيت بالدرر النفيسه كيف لاتشفع لك!
إذا لم تشفع لك تلك الرائعه فلا داعي لنظم الشعر والتغني فيه .
لله دركــــــــــــــــ اجدت وأبدعت .

دام ابداعك ولك احترامي
ابوعبدالله

ضاقت زوايا فرحتي و الضحكه بعينـي تغيـب
و الذكريات الموجعـه تكـوي معاليقـي كـوي
\\,,,,
اذا كل مره تغيب سترجع لنا بمثل هذه الدرر
فاانت مسموح
قصيدة رااااااائئئئئئئعه وراقيه
صح لسانك مليييييون ولايكفووووون
ولان يكفينا من الغريب الا بقصيدة تماثلها جمالا
والابيصير عليه حق
تحية تقدير لك