°~*¤®§(§ شبـــكة ويــلان العـربـيـه §)§®¤*~ˆ° - ( عشرة إعلومن سديده بالحقيقه تنروى )

- منتدي الشعراء (http://www.weelan.com/vb/forumdisplay.php?f=8)

- - ( عشرة إعلومن سديده بالحقيقه تنروى ) (http://www.weelan.com/vb/showthread.php?t=17439)

( عشرة إعلومن سديده بالحقيقه تنروى )

السلام عليكم ورحمة الله وبركاته

أعضاء هذا الصرح الأدبي الشامخ

العذر لإنقطاعي الطويل واسمحوا لي يالربع مقصّرين يعلم الله فحفكم ياجعلني أفداكم عضو عضو .

أتمنى أن ترقى لذائقتكم :

إستوت ملح السوالف والهقاوي مستوى=ولانظمت إلا قصيدن عل يلفيني صداه
عشرة إعلومن سديده بالحقيقه تنروى=بالشعر زان الجديد وخايل القمرا سماه
البخيت اللي زمانه ماجفا له وإلتوى=والبخيت اللي تخلد فالمجالس مستواه
المواقف للمواقف والفعايل محتوى=والردي حيشاك كلن يبخنه في محتواه
الشجيع اللي تحيزم مثل ذيبن لاعوى=معتلي مرقاب رجمن في شموخ وفي تباه
المجالس مثل نهرن كلن أقبل وإرتوى=وخيرها مجلس نزيهن مايخالطه إشتباه
والعفن جنب طريقه وإحذر إحذر لانوى=لو تجمل بك حكى بك كل رجالن لفاه
لو تضيق وتستضيق وعمرك أقفى وإنطوى=إطلب المولى العزيز ولايخيب اللي نصاه
والصديق اللي وفى لك ماغدرك ولاكوى=لاتفكر يوم تهدم مابنيت اللي معاه
وإنتبه لايضيع دربك لاإعترض لك بالهوى=مااقشر الدمعه لرجلن ضاع والسبه هواه
والله اللي حط فينا كل فكر وماحوى=والرجل يعرف خلاصه بالطريق اللي مشاه

أخوكم / حمدان بن ربيّع المطرفي العنزي