°~*¤®§(§ شبـــكة ويــلان العـربـيـه §)§®¤*~ˆ° - قصيده بمناسبة زيارة قائد قوات الطواري لقوة تبوك!!!

بسم الله الرحمن الرحيم

يالله ياللي خالق الناس والكون = بأسمك بدينا ياعزيز الجلالي

وبامرك اصعاب الكون وابحكمك اتكون = وبامرك تسوق الخير سوق الخيالي

ومن بعدها رتبت قافي على النون = وسجلت كل اللي ابفكري طرالي

حنا ابحكم اللي له الشعب يوفون = صقر العروبه عندنا انسان غالي

كريم متواضع له الشعب يثنون = افديه في مالي وشعري وحالي

وولي عهده له امكمل وله عون = درع الوطن لاحان وقت القتالي

حمى الجزيره واعترض كل مجنون = من شرق من غرب وجنوب وشمالي

سلطان كل الناس لامره يطيعون = الخير في يمناه بأول وتالي

ونايف وزير الداخليه ومامون = ذرى الوطن لو دار فيها الليالي

الدار عن فعل المهابيل مضمون = مادام نايف فوق روس الجبالي

وشبله محمد حافظن كل مكنون = لأجل الوطن ياقف معه مايبالي

واهلآ هلا بالضيف حييت مليون = يامرحبا بك ياكريم السبالي

كل الطواري في وصولك ايهلون = ياقايد القوات حييت غالي

بالعون لك ماقاف ايشرفك بالعون = قدت السريه ياشجيع العيالي

لك ماقفن ماياقفه كل ميمون = ماقف شبل من نسل قومن شبالي

تستاهلون المنصب وتستحقون = بأفعالكم صرتوا بروس العوالي

القاف من شانك يجي غصب موزون = تستاهلون المدح ساعة طرالي

فواز حيا والطواري ايحيون = وعقيدنا فيصل وقف للرجالي

يامرحبا ترحيبتن تاسع الكون = ترحيبتن تعطي الجواب السوآلي

حنا الوطن حنا الطواري اتعرفون = نفدى الوطن بأرواح شعبن غوالي

ملعون من ينوي هل الدار ملعون = هو يحسب انا بالوغى ما نبالي

فكر الضلاله والتخلف يعقبون = بأفكارهم ما يقنعونا محالي

بسيوفنا كم واحدن طاح مطعون = واقتالكم يا اهل الضلاله حلالي

ولو مت لأجل الدين ماني بمفتون = شهادتي لأجل الوطن راس مالي

وياللي لربي تعبدون وتصلون = ادعوا لناس استشهدوا بالقتالي

عساهم بجنات ربي يقيمون = في جنة الفردوس عن كل صالي

وصلاة ربي عد من جو يلبون = وعداد مالاحت بروق الخيالي

على النبي المصطفى سيد الكون = اللي بعث في دين كله كمالي