,,

في غيبتك ../ مدري أحس ان الزمـن هـذا "عـذاب"=.. والوقت لين اثمر " نبات الهم " وشلـون ابتـره ؟!
ياصاحبي .. هذا السفـر "غابـه" وأشجـاره غيـاب=آناظر عيون السما .. والقـى عواصـف ممطـره ..
وشلون ادوّر راحتي ؟ /.. باقول لك اسـرع جـواب=مابيـن "هفـوات القلـم" ولاّ "خـطـوط المسـطـره"
اسطّر حروفـي علـى (خـط الالـم) مثـل العقـاب=مـن لامنـي .. خلّـه يحـرر منطقـة مستعمـرة /
صدري ..\ ليا فاضـت براكينـه يعـوف الإنسكـاب=فـي داخلـه مليـون حاجـه مابهـا خيـر اشـكـره
والضيقه اللي ماقْـدَرت تلقـى لهـا "أجْـر وثـواب"=خلهـا تزيـد الكيـل فوقـي وتعطـي اللـي تقـدره
مادام صدري "في غياب" أغلى حبيبٍ لـه .. مصـاب=مافيـه شـي بْـلا خَسـاره ممكـن انّـه يَخـسـره
هذآك .. من يخطر على بالي (ذِنبْت) بْـلا حسـاب !=كنْ المشاعـر فـي غيابـه عـاد تطعـن بظْهـره !
من غآب عن عيني .. وانا اشْكي حالتي دون اصطلاب=لا قـال شعلومـك ؟ .. اقـول : إن العلـوم مْيسّـره
أكذب على شانه .. [ وانا اللي مابغيت إلا الصـواب ]=مـادام بعلومـي "ضـرر" خـل العـلـوم مْشـفّـره
"ساعات" أحِسْ إن الزمن في غيبتـه كلـه (غيـاب)=و"ساعات" أمِل مْن الغياب فـهالزمـن واستحقـره !!