طار النعاس ودك بالصـــــدر داكــــوك=
=البارحه يوم أكثـــــــــــر الناس هجـــاع
وقال الذي سجل علــــى صفحة البــوك=
= مثايلٍ يطـــــــــرب لها كـــــــــل سماع
آخذ جزيل القاف والهـــــــزل متــروك=
=وأفهم مجال الشعر مدخل ومطــــــلاع
من فيض فكري مابه أعانه ومشــروك=
= وليا بغيت القيل صعـب المثـــــل طاع
ولاأقول أنا وحدي لـي الشعر مملــوك=
=ولاأخذ مثل غيري ولانــــــــي بطماع
تر المثايل بالوفاء عدها صكـــــــــوك=
= ولولا المثايـــــــل كان فعل الثنا ضاع
وتر المراجل ماتجي هرج وضحــوك=
=صبرٍ علــــى الشده علـى كـل الأنواع
وبعض الأقارب قربها ماهو مبــروك=
= البعد ولاقربٍ يسبب لــــــــلاوجـــاع
من مافزعلك حي اليا صرت مزنوك=
= القبر مابعــــــــده صداقه ومفـــــزاع
لوهو ولد والا شقيقك مـــــــــن ابوك=
= بالأخره ماهو لــــــــــــلارواح شفاع
وأنس الذي نسيو جميلك ونسيـــــوك=
= ورزقك على اللي من ترجاه ماضاع
والعز عز النفس لو أنت صعلــــوك=
= المال مايرفع قصيريـــــــــن الأبواع