من شيمة رجال المواجيب و الطيب= إن الإسائه ما ترد بإسائه
وحنا سكتنا شيمة للمعازيب =والهرج يادكتور كثره بذاءه
بين الاديب وبين محتاج تأديب=علم من ألفه ما تخطيت بائه
وبين العريب وبين محتاج تعريب=فرق ا عتلاء الشمس عن الإضاءه
ما يحسن البقار حفظ المواجيب=والجرم في بعض المواقف براءه
والوايلي ما هو بحاجة تجاريب=حتى يجي مثلك يشك بولائه
ثوب البداوه كان بعيونكم عيب=وصرتوا قبايل ودكم بارتدائه

واليكم قصيدتي :

مهما لسانك خاض فينا ترانا :=نبقى البحر ما همنا كثرة الخوض
مفروض ما تقرب بهرجك حمانا=مير انت ضايع بين واقع ومفروض
دكتور لكن فاقد الاتزانا=مريض قلب بناب الاحقاد معضوض
تلطخ ولطخك ما اثر بمستوانا=وشهادتك ما قدمت شي ملحوظ
اغمد لسانك لا تلقلق ورانا=ما يرتفع شي من الله مخفوض
حنا الجبال النايفه وبذرانا=عاش الضعيف اللي من الحمل مبهوض
حظ الضيوف اللي تحروا قرانا=وللجار ستر.. وللخوي كلنا حظوظ
هاماتنا مثل النخيل بسمانا=وتاريخنا في سفر الامجاد محفوظ
نعطي ولو هذا الزمن ما عطانا=هذا زمانك .. قم وطنطن يا بعوض
وضح النقا دستورنا مع عدانا=ولا قيل عهد الوايلي راح منقوض
بالله وامان الله نبرهن وفانا=من قبل ما تصبح من الحوض للروض
وان كان يادكتور تنكر ولانا=الزور يا راعيه مرفوض مرفوض
حنا ولانا ساري في دمانا=ما كنه الا باوسط القلب منبوض
منا و فينا , ربعنا واومرانا=خلك بعيد ان كانها نفل وفروض

وسلامة الجميع