كانها بالقول وتبغاها قصايد = ربعـي الويـلان يزهـون القصيـد
خذ كلام خلـه برقبتـك قلايـد = علقـه يالتـرف يالثـور البليـد
تبي صيد الذيب ولنت للذيب صايد = الذيب صاد وصايد لمثلك يصيد
وصلوا المكتوب ياهل العوايـد = لنتخينـا بدهمـش عنـدي تحيـد
يوم صف القوم وصار الشيخ قايد = وشبت النيران واشتب الجريـد
زغردن البيض وانثرن الجعايد= وثارت النخوات وصار اليوم عيد
جت جموع زبين مع جموع ذايد = ماتهاب المـوت بقلـوب حديـد
مه هلا العليا وعياش ولايـد = فزعـت المضيـوم باليـوم النكيـد
مع عيال سويلم وفعلن وكايد = هذا ماعنـدي وقولـي هـو وكيـد
دهمشيه لنتخيتو يالولايـد = لينتخيتـو قـام مـن النخـوة الوليـد
واعذروني كان بهرجي نقايـد = وصلـو المكتـوب وخلـو النقيـد