آلصمت له عندي معزّه ومقدار =في زحمة الافواه .. يا مزين الصمت !!
لا صار بعض البوح عند البشر عار =لو يشتعل جوفي حشى ما تكلّمت
تعبت من قولة : (علامك) و (وش صار )=وان طحت ما ألقى سوى كلمة (سلمت)
واعذار اخلقها ولو مالي اعذار =مشّيتها مره .. ومرات ما رمت !!
كذبة صباح الخير/ يا صبح الانوار =عذري ليا عدّت ... ليالي ولا نمت
اسهر طوال الليل وضْيوفي افكار=واقول لاْصحابي : نعم توّني قمت !!
ما عاد فيني ألفت .. عْيون واْنظار=يكفي بأني من زماني .. تعلّمت
ان الصدر بيت/ن .. وسكّانه اسرار =نيّام .. بس يصحون لامن تألّمت
يصحون ويناظرهم الجار والمار =وش عاد ينفع سترهم لو تكتّمت ؟!!
آقدّم اقدامي على درب الاصرار =امشي ولكن للأسف ما تقدّمت
(النار قدامي .. ومن خلفي النار !!) =والعمر يمضي بي وانا ... ما تولّمت
يا لين ذاك الحلم في ... لحظه انهار =وانا مع لحظة سقوطه ... تحطّمت
اجروحي اكثار.. وتناهيدي اكثار =لكن على كثر المواجع .. تبسّمت !!
ثم أْلتزمت الصمت .. وعزومي اكبار =ولو يشتعل جوفي حشى .. ما تكلّمت

المشاركة الأصلية كتبت بواسطة احساس قلم (المشاركة 271174) دايما رائع عبدالعزيز في اختياراتكـ قصيدة رائعه دمت دوما بخير

المشاركة الأصلية كتبت بواسطة مشاري البواريد (المشاركة 271203) بحثت عن بيت أقتبسه فأضطررت إلى اقتباسها كاملة ً .. عبدالعزيز ، قبل أن اشكرك على ماجلبت لنا اهنئك على ذائقتك الشعرية الراقية مبدع في إختيارك يا ذوّيق .. يعطيك ألف عافية وسلمت يمينك و صح لسان المبدع اللي كتبهااا تقبل تحيـاتي ،،،

المشاركة الأصلية كتبت بواسطة رابح الغضيان (المشاركة 271308) الراقي خلقاً وادباً وحضوراً الاستاذ/عبدالعزيزالسعود اختيار راقي ورايع من معلم الذوووق تحياتي لك يالغالي