°~*¤®§(§ شبـــكة ويــلان العـربـيـه §)§®¤*~ˆ° - لــــــ ع ــــــبة غبـــــــــــيــــ

- منتدي الشعراء (http://www.weelan.com/vb/forumdisplay.php?f=8)

- - لــــــ ع ــــــبة غبـــــــــــيــــ (http://www.weelan.com/vb/showthread.php?t=17085)

لــــــ ع ــــــبة غبـــــــــــيــــ

اليكم جديدي واعذروني عن عدم تواجدي الفتره الماضية ..

من هاجس اللي مارجى بالشعر ميعاد وحضور
شاعر ولا هي مفخره بالشعر يظهر لي سنا

يهزني موقف ذكي ويهزني بعض القصور
اللي بدا من واحد ٍ ماله ابد عنّا غنا

ان كانها لعبة غبي أو كانها دفن السطور
ياجعل مايظهر لنا بحفر المجاحر من ثنا

ياميّت الذمه ترى (ماالميت) من زار القبور
الميّت اللي عاش بالدنيا من قصور الفنا

ان كان في عظمي كسر وين انت ياجبر الكسور
وان كان في صرحي هدم .. من طاح يلقى له بنا

عندي مشاعر تصطفق في موج غصات الشعور
وعندي بعيد من الجبل يومي زهمته لي دنا

يثور بالهاجس بحر والضيق بالهاجس يثور
وتبقى السفينه حايره بيني وبينك . ياأنا

ومن هاجس اللي مارجى بالشعر ميعاد وحضور
ماجيت ادور بالشعر مدحه أو احلام وسنا

كيبورديه أتمنى ان تصل لقلوبكم وأن لا تذهب أدراج الصفحات ...