يالله يا ربي عليك التساهيل =يافارج الشدّات عجّـل فرجها
يا جابر العثرات يا عادل الميل=نفس ٍ نختنا لا تخيـّـب بهجها
ومتعب بعد ربه على (وايل) يخيل=والنار في جوفه تواقد وهجها
وامه عليه من البلا تزعج الويل=تحن حنين الخْلْج من ما رهجها
عليه صكّو واحتمو يالمشاكيل=الله ولا غيض النفوس وحرجها
وين الذي كفه سواة الهماليل=وفعله يسابق هرجته لا هرجها
وبالموقف الغصاب فرق الرجاجيل=واللي تنحـّـى ما تثيبه حججها
وان قالها الله يا من لـ(وايل) تخيل=لاْ اْيْقال رجلك عقب الاصفاد سجها