قصيده صوتيه لمزيد المزيد
اسعد الله صباحكم بكل خير .... قصيده صوتيه للشاعر: مزيد المزيد والتي قام بادائها الاخ / عبدالعزيز العنزي واليكم القصيده كما هي :
الشمس غابت وادمس الليل ياعيد=وشلون اباركد دام مابـه ركـاده رد الخطا لاهل الخطا واكسر القيد=وراع الجمل قلـه يوثـق قيـاده لابوه قلب" يخضع لعيـن تغريـد=ولابـوه راس" ينحنـي للـقـراده ماهلت دموعي على باشة الغيـد=ولازعزعتني بالغـلا كـل غـاده ولارحت ادور من ورا الناس تمجيد=لاغرت اليمنـى محـاري زنـاده من عرض ربعي لانتخوا بالاواليد=والشيخ يحمـي بالشدايـد شـداده والصوت عقب الفوت لافات مايفيد=دام الزمـان المـر همـه قـلاده لاوالله الا ضاع بالطـوش صنديـد=وطاح الشجاع اللي عثربه جـواده والهرج يسمج لاصبح الهرج ترديد=لاصـار كـل" يدعـي بالقـيـاده قدقيل عرعر ماتجـي زي مدريـد=وقد قيل من حاول يحقـق مـراده وانا علـى خبـرك اروم العناقيـد=عنقود طيـب" مايخسـر حصـاده هالراس ثابت ماتهـزه حواسيـد=ماينحـنـي الا لـربـي عـبـاده لني رجل ماجيـت درب المناقيـد=ربيت تحت اللي له الطيـب عـاده شاعر ولاهمه رضا زيـد وعبيـد=وجور العواصف مايهـزن عنـاده والشعر حس" يعشقه كـل تجديـد=مـن بـدع راس" ماثنتـه الاراده لاهاض جن الشعر من دون تقييد=واستخدمت بالقاف حـرب الابـاده ياعيد تكفـى خلهـا دون تحديـد=كـل" يفسرهـا بحسـب اعتقـاده هالناس مبطي تاخذ العلـم وتزيـد=ولابه جديد لياحصـل بـه اعـاده بس انت طنش واظبط الشاي ياعيد=وعطني بيالة شاي سكـر زيـاده وأملي ان يحوز على رضاكم والشكر موصول للاخ / عبدالعزيز العنزي دمتم بصحه وعافيه |
الله الله
صح لساانك يا مزيد ولساانك يالوايلي ولساان الأخ عبدالعزيز سلمت أناملك يالوايلي |
اخوي ماجد
صح السانك وصح السان ابو راكان وتشرفت بقراءة كل كلمة بالقصيده الجميله والله لا يحرمنا مزيد من ابداعه المعهود |
الله عليك
صح لسانك يا الوايلي وصح لسان الشاعر الكبير مزيد المزيد وصح لسان اللي القاها ماشاء الله عليه صوت |
ربما اكون تعيسا لاني لست اول من يمر من هنا
لكن والله ان القصيده جميله والاداء رائع وابو راكان رائع دائما وشهادتي مجروحه لكن انا من متابعيك ... بس تراك بخــــــــــيل :) اسمحلي يالصديق ((اللدود)):):) اخوك ../ احمد السبيعي |
هالناس مبطي تاخذ العلـم وتزيـد
ولابه جديد لياحصـل بـه اعـاده بس انت طنش واظبط الشاي ياعيد وعطني بيالة شاي سكـر زيـاده صح لسانكم جميعا |
ذيب .... حيااك الله
يعطيك الف عافيه على مرورك ولالالالالالالالاهنت وتسلم يمينك دمت بتواصل |
الساعة الآن (12:27 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه