بين حد العقل وحدود الخيال=أُذهلت عيني من ابصر نورها
صابني خيفه وجاء عقلي انذهال=من جمالاً زاهيٍ بزهورها
اقبلت يمي تزهمل بالجمال=وسحرها الاخاذ يبني قصورها
تنثر طلاسمها وتنفث في دلال=يعني عطتني من خفايا بخورها
والقصيد اللي عرضته باحتفال=ضاع معها وانغرق فـي بحورها
وفي نواظرها نسيت الارتجال=انبهر فكري بزين جسورها
والمهم ان القصيدة واحتمال=راح تاليها يراقب سورها
ومزهرية حفلنا بعلم المجال=اعلنت موتتها بصوت كسورها
لان الزين حاضر موصوف الكمال=فاح ريح الورد ريح عطورها
والعقل صابه من الحلو اختلال=يتبع احساسه وحس شعورها
طيفه اللي في زوايا القلب جال=يلمس النبضه وياخذ دورها
هذا هو طيفه وكيف لو يقال=ان نور الحفل زاد حضورها
احتلال الذات بيدين الجمال=يسلب افكارك ما قال بشورها
وفي نهاية حفلنا واخر مقال=اعلن اسدال الستار غرورها