السلام عليكم ورحمة الله وبركاتــه

تحيـة طيبة للجميع

متواضعـة ترجو الرضا ، أضعها بين أيديكم علها تنال من رضاكم واستحسانكم



بيني وبينك

وشلون أبنسى والعمر مابعد فات
وشلون أبحيا دامني فيك ميّت

لا يآخذك ظنك على ظلم وإبهات
أبغاك لكن المقادير عيّت

بيني وبينك فرّق الوقت بسكات
مدري بعد وشهو علينا يبيّت

أحلامنا ماتت على يد الأوقات
حتى الأماني للأسف ، ماتهيّت

رح خلها وبكيف ماجاتنا جات
وإعزف على لحن المفارق و نيّت

ماتنفع الحسرات بعد الخسارات
وقت ٍ مضى وأوراق عشق ٍ تطيّت

وماهمني لو باقي العمر صدمات
ماتوجع الضربة محاديب ميت


وسلامتكم جميعا .. أخوكم / مشاري البواريد